Albisteak: Heziketa
R software librearen erabilera Natur Zientzietako estatistikan ikastaroa, UEUren eskutik

R software librearen erabilera Natur Zientzietako estatistikan ikastaroa, UEUren eskutik

Matrikulazio-epea urriaren 9an itxiko da

2015/09/18

Iruzkinik ez
393 bisita

R softwarea oinarrizko tresna bihurtu da egungo jardun zientifikoak sortzen duen datu bolumen itzelari trataera estatistikoa emateko. Software honek trataera estatistikorako beharrezko diren tresnak eskaintzen ditu eta, kode irekiko softwarea izanik, norberaren erabilera eta helburuetara doitzen diren aplikazioak sortzea ere baimentzen du. Natur zientzien arloan software honen erabilera sustatzeko eta trebakuntza emateko ikastaroa antolatu du UEUk.

Betetzear da UEUko Natur Zientzien sailak antolatutako mendiko ikastaro praktikoa

Betetzear da UEUko Natur Zientzien sailak antolatutako mendiko ikastaro praktikoa

Uztailaren 20tik 25era bitartean izango da ikastaroa

2015/06/16

Iruzkinik ez
743 bisita

Udako ikastaroen eskaintza askotariko eta interesgarria argitaratu zuen UEUk orain zenbait aste. Maiatzaren 25ean ireki zen izena emateko epea eta dagoeneko betetzear dira hainbat ikastaro! Natur Zientzien arloan, orain dela hiru urte Arturo Elosegik eta Arantza Aldezabalek antolatu zuten ikastaro zinez arrakastatsua errepikatuko dugu uztailaren 20tik 25era: “Mendiko teknikak basabizitzaren ikerketan. Ikastaro praktikoa Pirinioetan”. Mendian erabiltzen diren teknikak ezagutu eta horietako batzuetan trebatzea da ikastaroaren helburua, unibertsitatean dugun zenbait gabezia osatzeko. 2012an ikastarora joan zirenek itzultzeko aukera izan dezaten, gai berriak landuko ditugu toki desberdinetan. Aurtengoan, Artikutzatik hasi eta Lizararaino joango gara, Aralarren, Iratin eta Aztaparretan geldituz. Espezie konkretuetatik hasi, eta ekosistema osoen kudeaketa-lanak ezagutzeko aukera paregabea izango dugu benetako adituen eskutik. Eskaini genituen 20 lekuetatik 4 baino ez dira gelditzen, beraz, parte hartzeko gogoz bazeunde, ez ezazu azken momentura arte itxoin izena emateko!

INFORMAZIO GEHIAGO

Abian da EuskalNaturak antolatutako Baztango zeharkaldia

Abian da EuskalNaturak antolatutako Baztango zeharkaldia

Gautik igandera bitartean 30 laguneko taldeak Izpegitik Urdazubiko kobetarainoko mendi-ibilbidea egingo du

2015/04/15

Iruzkinik ez
1147 bisita

Urtero bezala, EuskalNatura Elkarteak biologia eta ingurugiro zientzietako ikasleentzako bost eguneko mendi-irteera antolatu du. Aurtengo ibilbidea Baztango bailaran zehar egingo da. Asteazkenean Izpegiko lepoan hasiko dute ibilbidea, eta Urdazubiko lezeetan amaitu igandean. Bidean, Itxusiko Harrietako paisaiaz eta hegaztiez, Xorroxineko landarediaz eta errekez, Zugarramurdiko geologiaz eta kondairez... gozatzeko aukera izango dute; beti ere, lagun artean eta euskaraz!

Natur Zientzien II. Topaketarako proposamenak biltzen

Natur Zientzien II. Topaketarako proposamenak biltzen

2015eko azaroan izango da NZTopa!-ren 2. edizioa

2015/02/09
Antton Alberdi
Iruzkinik ez
1465 bisita

Duela 2 urteko arrakastaren ostean, hasi gara aurten ere Euskal Herriko naturaren inguruko langile eta naturzaleen elkargunea sortzeko lanetan. Udako Euskal Unibertsitateko Natur Zientziak Sailak antolatuta, 2015eko azaroa amaieran antolatuko dugu Natur Zientzien II. Topaketa. Aurreko esperientziatik formula batzuk errepikatzekotan bagara ere, beste batzuk berritu asmoz gabiltza, eta horretarako zuen parte-hartzea gustatuko litzaiguke. Otsaila amaitu bitartean topaketaren formatuari, hitzaldi-gaiei, hizlariei edota bestelako aukerei buruzko proposamenak jasotzea gustatuko litzaiguke.

Informazio gehiago: www.naturzientzientopaketa.info

 

Txingudiko eraztuntze-estazioan udako praktikak egiteko aukera ireki du Arantzadik

Txingudiko eraztuntze-estazioan udako praktikak egiteko aukera ireki du Arantzadik

Jaizubiako padurako migrazio posnupzialen eraztuntze-kanpainaren harira antolatu dira praktikak

2014/06/12

Iruzkinik ez
1463 bisita

Arantzadiko Ornitologia Saila 2006an hasi zen udako eraztuntze-kanpainak antolatzen. Aurtengoa ez da gutxiago izango eta Txingudiko hezeguneko eraztuntze-kanpainanaren baitan praktikak egiteko aukera eskaini dute. Praktikak bereziki interesgarriak dira master edota doktoretza-tesiak egiteko helburiarekin ikertaldeak ezagutu nahi dituzten ikasleentzat eta naturzale ororentzat. Aldi berean, eraztuntzaile titulua eskuratzeko parada ezin hobea ere bada.

Abiatu da EuskalNaturaren 2014ko mendi zeharkaldia

Abiatu da EuskalNaturaren 2014ko mendi zeharkaldia

Gaur hasi eta datorren igandera bitartean, 30 laguneko taldeak Arantzazutik Biasterirako bidea egingo du

2014/04/09

Iruzkinik ez
1354 bisita

Urteko legez EuskalNaturak mendi zeharkaldia antolatu du. EHUren Leioako kanpusa dinamizatu nahian eta batez ere ikasle naturzaleen arteko saretzea sustatu asmoz antolatzen dira halako irteerak. Aurreko urteetan Arbaiungo eta Valderejoko parajeak ezagututa, Pirineoetako gailurrak zapalduta eta Aritxulegitik Zilbetirakoa bidea eginda, aurten Arabako lurrek izango dute protagonismoa mendi-zeharkaldian. Urtero gisan, egun bakoitzean aditu batek emandako hitzaldia entzuteko aukera izango dute partaideek.

Fracking-ari buruzko hitzaldi-zikloa Euskalnaturaren eskutik

Fracking-ari buruzko hitzaldi-zikloa Euskalnaturaren eskutik

Martxoaren lehen hiru asteazkenetan emango dira hitzaldiak, EHUren Leioako kanpuseko Zientzia eta Teknologia Fakultatean

2014/03/05

Iruzkinik ez
1696 bisita

Kalapita eragin du fracking-aren gaiak gurean. Haustura hidrauliko gisa ere ezagutzen dena, fracking-a presio handiko fluido baten bidez harri-geruzak hautsiaz lurzorutik petrolioa edota gas naturala bezalako gaiak erauzteko teknologia da. Zalantza handiak daude fracking-aren egokitasunaren inguruan, batez ere ingurunearengan duen eraginagatik. Besteak beste, urpeko urak eta akuiferoak kutsatzen dituela salatzen da. Afera honen inguruan sakontzeko, Euskalnaturak  “Eta zuk, ba al dakizu zer den fracking-a?” hitzaldi-sorta antolatu du fracking-a eta eredu energetikoa ardatz hartuta.

“Hegan” argazki-erakusketa Madariaga dorretxean ikusgai

“Hegan” argazki-erakusketa Madariaga dorretxean ikusgai

Euskadiko Biodibertsitate Zentroak Busturian duen egoitzan izango da erakusketa bisitatzeko aukera

2014/02/05

Iruzkinik ez
981 bisita

Euskadiko Biodibertsitate Zentroaren eta Euskalnatura-UEU Natur Zientzien elkarlanak sustaturik Busturiako Madariaga dorretxean “Hegan” argazki-erakusketa antolatu da. Erakusketa bisitatzeko parada izango dute bisitariek gaurtik hasi eta martxoaren 31 bitartean. Bertan erakusgai izango dira Antton Alberdi, Iñaki Mezquita, Jose Maria LLavori eta Ander Olaizolaren 18 argazki eta lau azalpen-panel.

"Inguruko Hegaztiak" proiektua martxan jarriko da

2013/12/10

Iruzkinik ez
1381 bisita

Urdaibai Bird Center-ek 2013-2014 urte bitarteko negurako “Inguruko Hegaztiak” proiektua martxan jarriko du, partaidetzaren bidez gure inguruan bizi diren hegaztien ezagupena bultzatzeko asmoarekin. Honakoa Europa iparraldean eta bereziki Bretaina Handian oso erroturik dagoen proiektu bat da, non iazko urtean 600.000 familiak parte hartu baitzuten “Garden Birdwatch” izeneko proiektuan.

Natur Zientzien Topaketako argazki-bilduma ikusgai dago

Natur Zientzien Topaketako argazki-bilduma ikusgai dago

Topaketaren webgunearen helbidean daude argazkiak

2013/11/11
Antton Alberdi
Iruzkinik ez
1742 bisita

Arazoaren 9 eta 10eko asteburuan ospatu zen Natur Zientzien I. Topaketa Donostiako Eureka! museoan. 150 parte-hartzaile inguru izan ziren bertan, eta bi egunetako egitarau intentsoaren isla den argazki-bilduma ikusgai jarri berri dugu Topaketaren webgunean. Argazkiak honako helbide honetan aurki daitezke:

www.naturzientzientopaketa.info/argazkiak

Natur Zientzien Topaketako mahai-ingurua zuzenean ikusteko aukera izango da

Natur Zientzien Topaketako mahai-ingurua zuzenean ikusteko aukera izango da

Youtube-ko UEUren kanalean streaming bidez

2013/11/08
Antton Alberdi
Iruzkinik ez
1722 bisita

Natur Zientzien I. Topaketa bihar eta etzi ospatuko da Donostiako Eureka! Zientzia Museoan. Bihar arratsaldeko 4etatik aurrera Euskara Natur Zientzietan izeneko mahai-ingurua izango da, honako hizlari hauekin: Txema Pitarke (nanoGUNE), Juan Ignacio Pérez Iglesias (EHU), Eider Carton (Elhuyar) eta Jose Ramon Etxebarria (EHU). Mahai-inguru hori streaming bidez zuzenean ikusteko aukera izango da orrialde honetan.

Urriak 25 arte izango da Natur Zientzien Topaketarako ekarpenak egiteko aukera

Urriak 25 arte izango da Natur Zientzien Topaketarako ekarpenak egiteko aukera

2013/10/21
Antton Alberdi
Iruzkinik ez
1820 bisita

Datorren azaroaren 9an eta 10ean ospatuko da Donostiako Eureka! Zientzia Museoan Natur Zientzien I. Topaketa. Hitzaldiak, mahai-ingurua eta poster-saioa izango dira, besteak beste, eta azken horretarako ekarpenak egiteko epea astebetez luzatu dute antolatzaileek. Orain arte 36 poster aurkeztu dira, askotariko erakunde eta taldeen jarduerei buruzkoak: unibertsitateko ikerketa-taldeak, natur elkarteak, ikerketa- eta kudeaketa-zentroak, eta abar. Antolatzaileak dei egin diete naturaren inguruan lanean dabiltzan gainerako euskaldunei Topaketan parte hartzera animatzeko.

Topaketaren aurkezpena, bideoak, elkarrizketak eta azken informazioa

Topaketaren aurkezpena, bideoak, elkarrizketak eta azken informazioa

Irekita dago izena emateko epea

2013/10/10
Antton Alberdi
Iruzkinik ez
1970 bisita

Natur Zientzien I. Topaketa Donostian izango da datorren azaroaren 9an eta 10ean, eta naturaren inguruan lanean dabiltzan pertsonen elkargunea izango da. 19 hitzaldi, mahai-ingurua eta poster-saioa izango dira topaketaren ardatza, eta natura eta zientzia zale euskaldun guztiei irekita dago deialdia. Azken asteotan Topaketaren inguruko hainbat albiste, erreportaje eta elkarrizketa publikatu dira, eta horien laburpena da artikulu hau.

Euskal Herriko naturzaleek zita izango dute Donostian azaroan

Euskal Herriko naturzaleek zita izango dute Donostian azaroan

2013/09/16
Antton Alberdi
Iruzkinik ez
4019 bisita

Natur Zientzien I. Topaketa antolatu du UEUko Natur Zientziak sailak datorren azaroaren 9an eta 10ean Donostiako Eureka! Zientzia Museoan. Bi eguneko jardunaldien helburua naturari loturiko gaiak lantzen dituzten Euskal Herriko profesionalak, amateurrak eta naturzaleak elkartzea da, elkar ezagutu ahal izateko eta etorkizuneko harremanak sortzeko. Hitzaldiak, mahai-ingurua eta bestelako ekintzak izango dira, eta ikerketa taldeek, natur taldeek, erakundeek zein norbanakoek posterren bitartez azaldu ahal izango dute euren lanaren berri. Izena emateko epea azaroak 1 arte egongo da irekita, eta posterren laburpenak urriaren 18ra arte bidali ahal izango dira. 

Ikusgai da Nafarroako Pirinioetara egindako irteeraren kronika

Ikusgai da Nafarroako Pirinioetara egindako irteeraren kronika

EHUko ikasleentzat antolatu zuen EuskalNaturak bost eguneko irteera

2013/04/24
Antton Alberdi
Iruzkinik ez
1376 bisita

Duela bi aste Aritxulegitik Zilbetira egin genuen irteeraren gorabeherak azaltzen dituen kronika ikusgai dago EuskalNatura.eus-en. Egun bakoitzean egindako ibilbidearen xehetasunak ikus daitezke bertan, eta mapa eta argazki ugarirekin lagunduta bertan izan genuen giro paregabea islatzen gara. Bejondeizuela animatu zineten guztiei! 

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...