Nork ez du hegan egitearekin amestu? Nork ez du inbidiarik pasa hegazti baten hegaldi airosoari begira? Nori ez dio saguzarren hegaldi ilunak atentzioa eman? Gizakiak hegan egiten duten animaliekiko, eta orokorrean hegaldiarekiko, duen miresmena aspaldidaniko kontua da, eta ez da harritzekoa. Izan ere, gauza gutxi dira hegaldia bezain teknikoak, hegaldia bezain praktikoak eta hegaldia bezain estetikoak. Hegaldia, ordea, hori baino askoz ere gehiago da, planetaren zati bat ustiatzeko aukera bat da, gainerakoei goitik behera begiratzeko aukera bat da; hitz batean, aukera bat da, eta aukera hori aprobetxatzen jakin dute animalia askok eta askok.

Lau dira historian zehar hegan egitea lortu duten animalia taldeak, eta horietako hiruk oraindik ere bizirik diraute: intsektuak, hegaztiak eta saguzarrak. Hiru talde horiek lortu duten arrakasta ebolutiboa espezie-kopuruan islaturik dago, baina zenbaki horren atzean hamaika moldapen, estrategia eta eredu daude.

Erakusketa honen helburua hegaldiaren eta hegan egiten duten animalien mundua jendarteratzea da. Noiz, nola, zergatik, zertarako galderei erantzutea, eta galdera askoz ere interesgarriagoak sorraraztea. 

Has dezagun hegaldia!

Argazkiak

Hontz zuria Ander Olaizola

Basoilo handia Jose Mari Llavori

Aldra Ander Olaizola

Zapelatzak Ander Olaizola

Amiamoko zuria Ander Olaizola

Ubarroi handia Jose Mari Llavori

Martin arrantzalea Jose Mari Llavori

Ganga azpizuria Jose Mari Llavori

Sai arrea Jose Mari Llavori

Kaio hauskara Antton Alberdi

Belarrihandi alpetarra Antton Alberdi

Baratze-saguzarra Antton Alberdi

Aechna mixta Iñaki Mezquita

Hemianax ephippiger Iñaki Mezquita

Sympetrum striolatum Iñaki Mezquita

Erythromma viridulum Iñaki Mezquita