Hypericum generoko mulu txikia da Hypericum calycinum. Asko landatu da lorategietan bere lore hori handiengatik. Jatorriz Turkia eta Bulgariako den arren, areka eta belardietan bertakotu da Euskal Herrian.

60 cm arteko mulu ilegabea da. Zabaletara 1-2 m-raino haz daiteke. Zurtoinean luzetarako lau lerro ditu.

Hosto eliptikoak ditu, oposatuak eta ia eseriak.

3-5 cm-ko diametroko loreak ditu, 1-3 loreko muturreko zimatan, kolore hori bizikoak. Hainbat sepalo eta petalo asimetrikoak ditu. Bost petalo eta kolore horiko estamine ugari.

Kapsula obatu erako fruituak ditu, erreflexuak.

Jatorria Asia hego-mendebaldean eta Europa hego-ekialdean duen arren, asko landatu da lorategietan eta horri esker asko zabaldu da. Euskal Herrian areka eta belardietan bertakotzen da.