Hostoiraunkorra den gimnospermoa da, batazbeste 60 metroko altuera lortzen badu ere 100 metroko aleak aurkitu izan dira. Longebitateari dagokiola, 500 urteko bizitza izaten du orokorrean baina 1000 urteko aleak aurkitu izan dira ere. Hostoak bakunak eta luzangak dira punta borobilduarekin, usaintsuak gainera. Landare monoikoa denez lore ar horixkak eta zintzilikariak lore emeekin batera ale berean agertzen dira. Batak zein besteak infloreszentzietan antolatuta daude eta emeen kasuan tenteak eta horixkak dira. Fruituak loreak sortu eta urte bereko udazkenean garatzen dira, bi motatako ezkatak dituzten pinaburuak emanez, hiru gingildun estal ezkatak eta ezkata hazi eramaileak.

Jatorri Amerikarra duen espeziea da baina Euskal Herrian landaketa batzuetan hazitako espeziea dugu. Zurgintzan eta ebanismoan oso erabilia izan den espeziea da egurraren kalitate ona dela eta, erregai bezela ere baliotsua da.

Betiberdea eta batazbeste 60 metroko altuera duen zuhaitza da 100 metrorartekoak ere topatzen direla. Zabaleran batezbeste 2 metroko diametroa duen enborra izaten dute. Eitea piramidala da eta enbor zurixka eta lodia du adarkadura irregularrarekin. Enborrean zehar erretxin hodi ugari aurkezten ditu.

Hostoak bakunak dira eta  erretsinadun kanalak aurkezten dituzte bi alboetan. Luzangak dira, 1,5-3 zentimetro bitartekoak, puntan borobildu forma dute eta fruta usaina igortzen dute. Nahiko bigunak dira.

Ale berean agertzen dira landare monoikoa delako eta biak ala biak infloreszentzietan antolatzen dira. Hala ere, lore arrak horiak eta zintzilikariak izango dira eta emeak aldiz hori-berdezkak eta tenteak. Zuhaitzean duten kokapenari dagokiola, emeak adar zaharretan kokatzen diren bitartean arrek banaketa zabalagoa dute. 

Pinaburuak loreak sortu eta urte berean garatzen dira, zintzilikariak dira eta aurkezten dituzten estal ezkatengatik dira bereizgarriak. 10 zentimetrorartekoak dira eta bi ezkata mota dauzkate. Bata hazia gordeko duena zeina zapala eta marroia den eta hegal ezkata bestetik, luzanga dena eta puntan hiru gingilduna. Bata zein bestea libreak dira eta izaera egurtsua dute, ez dira pinaburutik askatzen. Haziak hegaldunak dira eta nahiko finak eta txikiak erraz sakabanatzeko.

Amerikan du jatorria, eta batik bat mendebaldeko kostan zehar banatzen da Kaliforniako inguruan. Hala ere, Europako hegoaldeko parte askotan landaketa ugaritan erabili izan den zuhaitza denez mundu zaharrean ere nahiko zabaldua den espeziea da.

Euskal Herriko banaketari dagokiola, batik bat kantauriar isurialdeko eremuetan zabaltzen da.