Toxikoak diren onddo gehienak sortzen dituzte urdail eta hesteetako arazoak, kasuan kasuko sintomekin batera. Gehienek ordea, urdailean sortzen dituzte arazoak. Posible da onddo bat pertsona gehienentzako jangarria izatea baina pertsona batzuei arazoak sortzea. Orokorrean onddoak nahiko liserigaitzak baitira.

Gure lurraldean era honetako gaitza sortzen duen onddo tipikoena Entoloma lividum da, Clitocybe nebularis-ekin nahasten dena. Onddo honek sortutako urdaileko arazoak larriak izaten dira. Gaixoak aste bateko tratamendua jarraitu behar du bere onera bueltatzeko.

Omphallatus olearius zizahoriarekin (Cantharellus cibarius) nahas daiteke. Honek ere urdaileko gaitz larriak eraginez. Sintomak pixkat ezberdinak direnez, intoxikazio honi “resinoide” deritzo.

Intoxikazio hauen tratamendua urdaileko garbiketan datza, horretaz gain ikatzezko hautsak ematen zaizkio gaixoari. Gaixoa momentu horo gazurrak edaten egon behar da, galdutako elektrolitoak konpentsatzeko.