Artikuluari buruz Egilea: Sorrera: 2012/02/06 Azken eguneraketa: 2012/02/13 Bisita-kopurua: 1525 Motzean Taxonomia Dibisioa: Basidiomycota Klasea: Agaricomycetes Ordena: Boletales Familia: Boletaceae Deskribatzailea: Schaeff. (1774) Sinonimoak Boletus variegatus var. aureus Ekologia Mikorrizikoa Jateko balioa Jangarria Perretxiko-garaia Perretxikorik ez Perretxikoak bai

Makromorfologia

Pileoa

Txapelak, hasieran esferaerdi forma duen arren, adinarekin ganbil formara jotzen du. itxura lodikoa da eta 8-25 cm-ko diametroa du. Kolore aldakorra izan ohi du, ia beltzetik marroi ilunera edo arre-okrera. Kutikula lehorra da, mamitik bana daitekeena. Garai lehorretan ireki egiten da mami zuria ikustaraziz. Gazteetan belusatua da eta askoz leunagoa garatuetan.

Estipea

Lodia da,  5-15 x 3-8 cm bitartekoa eta potxolo xamarra behetik. Iltze forma du eta okrearen antzeko beixa, amaieran marroi gorrixka kolorea hartzen du. Goialdean saretxo zurixka batez estalia agertzen da.

Mamia

Zuria eta trinkoa da, airearekin kontaktuan aldatzen ez dena. Burdin sulfatoarekin erreakzionatzean berde argi kolorera aldatzen da mamia. Zapore atsegina eta lurrintsua du, usaina bezalakoa.

Mikromorfologia

Esporak

Jalkinean oliba-marroiak, fusiformeak eta 12-16 x 4-4,5 μm-koak.

Ekologia

Habitata

Hosto zabalen azpian agertu ohi da, hariztietan, pagadietan, artadietan eta gaztainetan batez ere. Lur silizeoetan, pobreetan eta azidoetan hazten da, pH 4 eta 6 artean. Lur aske eta drainatze oneko edo buztin geruza duten lurzorutan agertzen da. Gutxieneko prezipitazioa 500 mm-koa da, nahiz eta oparoa den 700 mm-tik gora. 

Perretxiko-garaia

Udaratik udazkenera arte topatu daiteke onddo honen perretxikoa.

Jateko balioa

Oso jangarri ona da, eta oso preziatua gainera.

Antzeko espezieak

Boletus edulis

Txapelaren kolorea ahulagoa da, eta kutikula lingirdatsuagoa du.

Udazkeneko onddozuria ( Boletus edulis )

---

Boletus pinophilus

Perretxiko honen txapelak kolore arre-gorrixka du.

Kaskabeltz ( Boletus pinophilus )

---

Boletus reticulatus

Kolore argiagoa du eta uda hasieran ateratzen da.

---