Perretxiko hilgarria. Perretxikoak biltzen hasi aurretik oso ondo ezagutu behar da, izan ere, perretxikoak jateagatik heriotza dakarten pozoinduren %90a eragiten du. Espainiako Gerra ondoko “gose garaian” Euskal Herrian, pozoidura eta heriotza asko gertatzen ziren. Gaur egun ordea arraroak dira perretxiko honek eragindako pozoindurak batetik perretxiko biltzaileen artean oso ezaguna delako eta bestetik, ospitaleak ere ekipamendu eta pertsonal egokia dutelako.

Artikuluari buruz Egilea: Sorrera: 2011/12/13 Azken eguneraketa: 2012/01/26 Bisita-kopurua: 1194 Motzean Taxonomia Dibisioa: Basidiomycota Klasea: Agaricomycetes Ordena: Agaricales Familia: Amanitaceae Deskribatzailea: (Vaill. ex Fr.) Link (1833) Sinonimoak Agaricus phalloides Ekologia Mikorrizikoa Jateko balioa Hilgarria Perretxiko-garaia Perretxikorik ez Perretxikoak bai

Makromorfologia

Pileoa

Txapelak 6-12 cm-ko izaten du, eta hasieran forma hemisferiko edo ganbila agertu arren, pixkanaka laundu egiten zaio. Kolore oso aldakorra du, askotan olibaxka edo berde-horixka, bestetan berriz, zuri berdexka edo erabat zuria. Ager dezakeen kolorearen arabera barietate desberdinak bereizten dira. Kutikula likatsua bihurtzen da eguraldia hezea denean. Ertza mehea eta leuna da. Belo osoaren arrastoa oso gutxitan izaten duen arren, agertzen den kasuetan zati handi eta bakarrari dagokio. Horren arrazoia perretxikoa eguraldi lehorrean hazi izana da.

Estipea

Oina liraina eta zurixka edo berde horixka kolorekoa da, tigrearen antzeko mantxa berdexkekin. Erraboilduna, bolba zuri, elastiko eta zabalaz estalia. Goian eraztun zabal eta fibrotsua, zahartzarora arte iraunkorra eta kolore zurikoa.

Orriak

Orri hertsi eta libreak, kolore zurikoak eta tonu berdexkarekin ertz aldean batez ere. Hasieran orriak errezelaz guztiz estallia daude baina gero, pixkanaka txapelaren ertzetik apurtzen hasten da, zintzilik geratu arte.

Mamia

Mamia samurra da, txapel aldean pixka bat lodiagoa. Ale gazteak ez du usain handirik, heldutan berriz, txarra da.

Mikromorfologia

Esporak

Esporek 7-11 x 6-10 μm-ko tamaina izaten dute eta eliptikoak, zuriak eta amiloideak dira.

Ekologia

Habitata

Taldeka ateratzen da hostozabal eta koniferoen basoetan.

Perretxiko-garaia

Uda eta udazkenean ateratzen da perretxiko hau.

Jateko balioa

Hilgarria da.