Tamaina handiko pileoa garatzen duen espeziea da, normalean 7-15cm-ko diametroa izaten dutelarik,  20cm-dun txapela duten indibiduak behatu dira. Alea gaztea denean pileoa esferikoa izaten da, gero ganbila eta ale helduek txapel laua izaten dute.  Pileoaren erdiko puntua,  leuna eta distira gabea izaten da, gune honek hur kolorea izaten du.  Ertzak fibrilatuak izaten ditu. Pileoan kolore zuri-beix-a  da nagusi. Pileoaren gainaldean hur-iluneko ezkata konzentrikoak izaten ditu.

Kolore zuria nagusi izan arren orbain beltzak azaltzen ditu. Azpi aldean bolba errez bereizten da, eraztuna bezala, hau bikoitza eta mugikorra izanik. Barrutik hutsa den estipea fibrotsua da. Bere izena, “procera”, daukan eite handiak ematen dio, izugarrizko txapela gara baitezake estipe luzearen gainean.

Himenioa laminarra da. Laminak beraien artean askeak dira eta estipearen inguruan tarte libre bat uzten dute, eraztun bat bezala. Laminak estuak, irregularrak eta zuriak dira.

Kolore zurikoa edo zertxobait arrosa izaten da. Irin usain oso atsegina dauka eta intxaur zapore leuna.

Hodi germinatzaile dun espora oboideoak, 15 – 22 x 9 -12μm-takoak. Esporada zuria aurkezten dute.

Udatik udazken arte aurki daitekeen espeziea da, belardi, bide bazter eta konifero basoen gune aretsuetan.