Kono-itxurakoa da, oso titi puntazorrotza du, eta, ertz tolesduna eta apur bat ildaskatua. Kutikula leuna du, askatu daiteken mintz lingirdatsu batekin estalia. Higrofanoa da; eguraldi lehorrean kolore hori argia hartzen du, eta, hezetasunarekin gris-arrexka bihurtzen da. Batzutan kolore urdin-berdexka izaten du ertzean.

Argala eta luzea, leuna edo apur bat zuntzexkatsua. Txapelaren kolorekoa, batzutan, behealdean kolore urdin-berdexkarekin. Txapela barne 2 - 5 cm-ko altuera izaten du eta ez du eraztunik.

Gris-oliba koloreko orriak marroi-morexka ilun bilakatzen dira heldutasunean, eta, arista zuri bat mantentzen dute. Espora jalkina arre-morexka da.

Zapore mingotsa izaten du. Hasieran kolore zuria izaten badu ere, sekatzen doan heinean kolore horixka hartzen du, eta, geroago tonu purpurak, urdinak edo berdexkak; bere printzipio aktiboa den psilocibina oxidatzearen eraginez.

Eliptikoak, ertz bat moztuarekin eta 13 – 16 x 6,5 – 7,5 mikrakoak.

Taldetan ateratzen da, bereziki 600 m-tik gorako larre heze eta nitrogenatuetan.

Uda amaieratik udazken amaierara.

Oso haluzinogenoa da. Denbora eta espazioa hautemateko modua aldatu ditzake, eta, euforia eta delirioak eragin. Paranoia eta jazarpen-mania ere eragin ditzake 3 eta 6 orduko epean, gutxi gorabehera. Psilozibina da sintoma horiek eragiten dituen printzipio aktiboa.