Artikuluari buruz Egilea: Sorrera: 2012/01/05 Azken eguneraketa: 2012/01/09 Bisita-kopurua: 1866 Motzean Taxonomia Dibisioa: Basidiomycota Klasea: Agaricomycetes Ordena: Polyporales Familia: Polyporaceae Deskribatzailea: (Pers.) Schwein. Sinonimoak Boletus badius Polyporus badius Ekologia Saprobio lignikola Usteldura Azukre sinpleak Lignolitikoa Lignozelulolitikoa Informazio gehiago eskuratzeko egin klik saguarekin Jateko balioa Baliogabea

Makromorfologia

Fruitu gorputza

Garatzen duen basidioman ondo bereizten dira pileoa eta estipea. Pileoa borobildua da, gaztea denean ganbila eta zahartzen doan heinean lautu eta inbutu forma hartzen du. Pileoaren gainaldea leuna, ilegabea edo bikor finekoa izaten da. Koloreari dagokionez, marroia da. Ertzak, ondulatuak izateaz gain kolore arrea daukate.

Kolore beltzeko estipea nahiko ondo garaturik daukan onddo honek, oineko behealdea finagoa izaten du. Estipea belusatua da, 10-50 x 5-20mm-tako tamaina dauka.

Pileoko mamiak kortxo gogorraren ehundura dauka. 2-5(8)mm-tako lodiera izaten du eta kolore zurikoa da. Usain atsegina dauka eta zapore apala.

 Onddo honek ,(4)6-8mm-tako, poro borobil angelutsu txikiz osaturiko himenoforoa dauka. Hauek, zuriak edo krema kolorekoak izanik. 0,5-2mm-tako tutuak dekurrenteak izaten dira.

Mikromorfologia

Basidioak

20-22 x 6-7µm-tako basidioak arinki klabiformeak dira eta 4 esterigma dituzte. Alde basalean ez dituzte “matxardak”. Zistidioak ez dira ikuskorrak.

Esporak

Esporak zilindrikoak edo eliptikoak dira, gardenak, eta leunak orokorrean. Hala ere batzuk garatxoak izan dezakete. 6.5-8.5 x 3-4µm.

Ekologia

Habitata

Jateko balioa