Russula cyanoxantha

Eduki guztiak CC-by-sa 4.0 lizentziapean argitaratu dira kontrakoa adierazi ezean.

Onddoak

Russula cyanoxantha
Urretxa

Onddo honen mamia itxia izaten da, Russula virescens-ena bezala eta biei azkar erasotzen diete intsektuen larbek. Russulen artean biak dira estimatuenak jateko orduan. Russula zein Lactarius taldeko onddoak apurtzen ditugunean, hauek klariona bezala apurtzen dira, ez dira tarraten beste onddoak bezala. Lactarius taldekoak moztean latexa isurtzen dute, Russulak ez. Modu honetan bereizten dira bi taldeak. Urretxak, Russula veska-rekin nahasi daiteke, baina honek burdin sulfatoaz erreakzionatzen du kolore laranja indartsua emanez.

Argazkia: Errotari elkarte mikologikoa

Artikuluari buruz

Egilea:
Sorrera: 2011/11/24
Azken eguneraketa: 2011/12/05
Bisita-kopurua: 1856

Motzean

Taxonomia

Dibisioa: Basidiomycota
Klasea: Agaricomycetes
Ordena: Russulales
Familia: Russulaceae
Deskribatzailea: (Schaeff.) Fr. 1863

Sinonimoak

Agaricus cyanoxanthus
Russula cutefracta

Ekologia

Mikorrizikoa

Jateko balioa

Jangarria

Perretxiko-garaia

	Perretxikorik ez
	Perretxikoak bai

Makromorfologia

Pileoa

5-15cm-tako txapela izaten du. Hasieran globo-formakoa den arren onddoa heltzen den heinean zabaltzen joaten da. Hertza zorrotza izaten da, eta erdialdea zertxobait hondoratua. Heze dagoenean pixka bat lingirdatsua den kutikula dauka. Hau zimurtsua izaten da, erradialki kokaturiko zain ilunak izaten baititu. Kutikula hau errez bereizten da pileoko mamitik. Kutikulan kolore nahasketa bat azaltzen du, morexka, lila, berde iluna eta argia, grisa, urdina…

Estipea

Hanka, nahiko motza, zilindrikoa eta bikortsua izaten da. Kolore zuria izaten du, kasu batzuetan kolore morexka izaten dute.

Orriak

Lamina erantsiak edo apur bat dekurrenteak, hauek nahiko itxiak izaten direlarik. Malguak diren kolore zuriko orriak izaten dituzte. Hausturaren aurrean erresistenteak dira laminak.

Mamia

Kolore zuria izaten du oro ar, baina kutikularen azpian kolore morexka azaltzen du. Mamia itxia izaten da. Burdin sulfatoarekin ez du erreakzionatzen, gibelurdinak (Russula virescens) egingo lukeen bezala. Usain gozokoa eta hur zaporekoa da.