Hauskorra eta aldakorra den Artikoa metano-biltegi handien gunea da, berotegi efektuko gas garrantzitsua dena. Lurra berotzen ari den heinean, metanoa biltegi hauetatik atera eta atmosferara bideratzen da, beroketa globala areagotuz.
Ikerlariek, duela urte batzuk ezagutu zuten metano pilaketa handiak izoztuak aurkitzen zirela tundra artikoan zein itsas-sedimentuetan. Hala ere, azken ikerketen arabera, metano-iturri handi eta garrantzitsu bat ezagutu da: Ozeano Artikoa.
Ozeano hau estaltzen duen izotz-bankisa (itsaso gainean osatutako izotz-kapela), gero eta zatituago eta hautsiago agertzen da, bertan zabaltzen diren arrakaletatik itsasoko goi geruzetan aurkitzen den metanoak atmosferara ihes egiteko aukera duelarik. Metano honen jatorria ikertzerako orduan, Artikoko azaleko uretan ematen den produktibitate biologikoak eratzen duela pentsatzen dute zientzialariek.
Ikerketa hau burutu duen Kort doktorearen arabera: "Itsasoko izotz eremu handiak urtzen diren einean, Ozeano Artikoko ur eremu gehiago agerian geldituko dira, metano emisioak areagotuz".
-
Euskal Herriko naturzaleek zita izango dute Donostian azaroan
2013/09/16 , UEU Heziketa Natura Zientzia Ingurumena -
Itsas izarrek ikusteko gaitasuna dute
2014/04/07 , Zientzia -
Izotz-bankisako arrakaletako metano ateraketak
2012/05/12 , Heziketa Natura Zientzia Ingurumena -
Topaketaren aurkezpena, bideoak, elkarrizketak eta azken informazioa
2013/10/10 , UEU Heziketa Natura Zientzia Ingurumena -
Ugatza berreskuratu nahian
2012/05/21 , Natura Zientzia Ingurumena