Ebroren konfederazioak eskuin magalaren mugimendua geldiarazteko lanen arrakasta azpimarratu zuen duela egun gutxi. Horiei esker segurtasuna bermatuta zegoela. Gainera, "ikerlari independiente" batzuek egindako ikerlan berriak ere aurkeztu ditu. Guztiak Esako urtegia handitzearen aldekoak.

Baina errealitatea da Erakunde Ofizialek agindutakoaren kontrakoa ari dela gertatzen. Eta horren harira Yesa+No plataformako kideek eta Zangozako Udalak segurtasuna aldarrikatzen jarraitzen dute. Eta hori bermatzeko modu bakarra urtegia handitzeko lanak bertan behera utzi eta urtegia segurtasun-maila bateraino hustea dela adierazi dute.

Leave a comment