Astigar zuria
Acer pseudoplatanus

Astigar zuria astigar zorrotzaren antzeko espeziea da baina honen hostoek, platanoaren hostoekin baino, mahatsondoaren hostoekin antza handiagoa dute. Espezie hau Europa erdialdekoa da jatorriz baina bere egurrarengatik kultibatzen da eta leku askotan naturalizatu egin da. Euskal Herrian ere, nahiko espezie arrunta dugu.

Acer pseudoplatanus

Dibisioa
Magnoliophyta
Klasea
Magnoliopsida
Subklasea
Ordena
Sapindales
Familia
Aceraceae
Deskribatzailea
Linnaeus, 1753
Estatusa
ne

Morfologia

Astigar zuria zuhaitz hostoerorkor handia dugu, 20-35 metroko altuera lor dezakeena. Adkera zabala du, bobeda itxurakoa. Zuhaitz gazteek azal leuna dute, gris kolorekoa baina adinarekin enborra gogortzen doa eta ezkatatsu bilakatzen, barruko azal marroia agerian utziz.

Hostoak

Hosto oposatu handiak ditu, 10-25 x 5-15 cm-koak. Hostoek itxura larrukara dute, palmatuak dira eta zain nabariak dituzte. Hostoek bost lobulu dituzte, ertz horzdunekoak eta berde ilun kolorekoak gainealdetik baina zurizkak azpialdetik. Horrez gain, maiz Rhytisma acerinum izeneko onddoarekin kutsatuta daude eta orban beltzak agertzen zaizkie. Pezioloa maiz gorrizka izaten da.

Loreak

Loreak korinbo motako infloreszentziatan taldekatzen dira eta monoikoak dira. Korinboek 10-20 lore hori-berde izaten dituzte.

Fruituak

Samara motako fruituak ematen dituzte, bikoteka batzen direnak eta 20-40 mm-ko hegoa dute, haizearekin barreiatzea errazteko.

Banaketa

Europa erdialdekoa eta Asiako hegomendebaldekoa da jatorrriz eta Frantziatik Ukraniara eta Iberiar Penintsulatik Turkia eta Kaukaso aldera zabaltzen da.

Acer pseudoplatanus Acer pseudoplatanus

Habitatak



Habitat bereko espezie gehiago

Sorbus aria
Hostazuria
Betula pendula
Urki dilindaria
Alnus cordata
Haltz italiarra
Sorbus aucuparia
Otsalizarra
Basagurbea
Calluna vulgaris
Ainar arrunta


Ekologia

Oso zuhaitz toleranea da: giza poluzioa, gatz kontzentrazioa altuak... ondo jasaten ditu. Hori dela eta leku askotan naturalizatu da.

Fenologia

Udaberrian loratzen da eta haziak udazkenean heltzen dira.

Erabilerak

Egurra ekoizteko kultibatzen da. Kolore zuriko egurra du, musika instrumentuetan, altzarietan... erabiltzen dena.

Esteka interesgarriak

Egilea: | Sorrera: 2012/10/20 | Azken eguneraketa: 2013/12/30 | Bisita-kopurua: 2914 | Argazki nagusia: Jaime Gaona García

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...