Lore horidun landaretxo hau espezie nahiko arraroa dugu, soilik Piriniotan eta Alpeetako zenbait gune isolatuetan hazten baita, lurzoru harritsuetan. Hori dela eta, Nafarroako Espezie Mehatxatuen Zerrenda Gorrian 'Zaurgarria' kategorian sailkatuta dago.

Landaretxo iraunkorra dugu, 10-30 cm-koa, pixkat pubeszentea.

Ranunkulazeoen hosto tipikoak dituzte, ondo garatutako linboarekin. Oinarri aldeko hostoak handiak dira, peziolo nabaria dute eta hosto kaulinarrek bezala 2-4 pinnatisektu.

Sepalo glabroak dituzte edo ile sakabanatu gutxi batzuekin, batzuetan guruintsuak. 10-15 petalo dituzte, horiak eta 1-1,5 cm-koak. Anterak ere horiak dira.

Landare hauen fruituak akenio motakoak dira, 6-7 mm-koak eta glabrotik oso pubeszentera izan daitezke, behintzat goialdean. 2-3 mm-ko kakoa dute, kurbatua.

Soilik Piriniotan eta Alpeetako zenbait gune isolatuetan aurki daiteke. Euskal Herriko hegoaldean soilik Nafarroan aurkitzen da, Pirinio inguruetan eta iparraldean ere Pirinioen inguruan aurki daiteke.