Hendaiako Action Citoyenne Environnmentale (ACE) eta Mugerreko Collectif des Associations de Défense de l'Environnement(CADE) elkarteek gonbitea luzatu diete “ingurumenaren aldeko elkarteei, surf eta mendi elkarteei eta hiritar orori proiektu honen kontrako iritzia azaltzera, gure kostaldea arpilatzea beste helbururik ez duelako, gure ekonomia irauliko duelako eta gure bizimodua suntsituko duelako, zenbait megalomanoren handikeria neurrigabea asetze alde, hazkunde deritzoten hondamendian oinarritzen baitute ekonomiaren zuzentzea”.

Jaizkibelgo kanpo kaiaren proiektuak urte luzeak daramatza eztabaidan. Ez du Espainiako Ingurumen Ministerioaren bermerik eta Hegoaldean egin zen galdeketaren emaitzak zalantzan jarri zituen hainbat gizarte eragilek. Orain, Iparraldean izango da aukera proiektuaren inguruko ikuspuntua azaltzeko, ez alferrik Iparraldeko kostak ere zuzenean jasoko bailuke kanpo kaiak eragindako ingurumen-inpaktua, izan ere, uste baita portuak Jaizkibeldik Iparraldera doan itsas-korrontea moztuko zukeela. Horretarako, urtarrilaren 27a arteko epea eman da.

Leave a comment