Mendiaundi Alduide Mendia Kontserbazio Bereziko Eremuan (KBE) dago. KBE-n helburua biodibertsitatea kontserbatzea da eta Natura 2000 sarearen barnean daude. Eremu hauetan balore ekologikoen kontserbazioa bestelako politika sektorialen planifikazioan ezinbesteko elementutzat hartu behar da, kontserbazio-politika lurralde-antolaketaren osotasunean kokatzeko asmoz.

Bada, 2010. urtean KBE horretako mendi batean, Mendiaundi mendiaren magalean hain zuzen ere, harrobi bat egiteko proiektua aurkeztu zuten. Eta hori salatzeko elkartuko dira larunbatean, mendi-martxa batekin ingurunearen balio naturalak ezagutzera eman eta proiektua basakeria bat dela adierazteko. Gainera, Mendiaundikoa ez da KBE horretan egin nahi duten harrobi bakarra. Izan ere, Zilbetin, bertatik kilometro gutxira, beste harrobi bat egin nahi dute (ikusi mapa).

Ibilaldia Aurizberri herrian hasiko da, goizeko 9.30etan eta 4 ordu inguru iraungo du. Ondoren herri-bazkaria egongo da (apuntatzeko: mendimartxak@hotmail.com).

Kartela ikusi

Leave a comment