-
Home
-
Harian
-
Albisteak
-
Ingurumena
- Uliako Lore-Baratzak proiektua
Donostiako Ulia auzoan dagoen parke honen balio historiko eta naturala aldarrikatzeko eta parkea herritarren eskura jartzeko sortu dute Uliako Lore-Baratzak proiektua auzo-elkartekoek. Parkea udal-hazitegitzat erabili zen 2007ra arte eta bertan ekoizten ziren herriko lorategiak hornitzeko loreak. Horrez gain, XIX. mendeko lurpeko ur-biltegiak daude bertan; Aranzadi Zientzia Elkarteak txosten batean bildu zuen euren balioa. Kolokan da, ordea, parkearen etorkizuna, udal-hazitegi izateari utzi zionean hirigintza-proiektu bat egin baitzen bertarako.
Uliako auzo-elkarteak baratze-lorategi komunitario bat egin nahi du parkean, hirigintza-planik garatzen ez den bitartean erabilera emateko. Horrez gain, hiriarentzat balio historikoa duen parke batean paseatzeko aukera jarriko lukete, egun itxita baitago parkea.
Gainera, lurpeko bi ur-biltegi daude parkean, XIX. mendean eraikiak eta urte askoan Donostia urez hornitzeko erabiliak. Parkearen balioa ezagutzera emateko bisita-gidatuak antolatuko ditiuzte apiriletik aurrera Atari Kultur Arkitekonikoa elkartearekin elkarlanean. Uliakoauzoelkartea@gmail.com helbidean eman behar da izena bisitetan parte hartzeko.
Auzo-elkartekoek eskari bat egin diote udalari, hirigintza-plana garatzen ez den bitartean parkea jendeari irekitzeko. Proiektuarentzat atxikimendua eskatu dute eta eurek prestatutako idatzi bat udalean erregistratzera animatu dituzte elkarte eta norbanakoak.
-
Euskal Herriko naturzaleek zita izango dute Donostian azaroan
2013/09/16 , UEU Heziketa Natura Zientzia Ingurumena -
Itsas izarrek ikusteko gaitasuna dute
2014/04/07 , Zientzia -
Izotz-bankisako arrakaletako metano ateraketak
2012/05/12 , Heziketa Natura Zientzia Ingurumena -
Topaketaren aurkezpena, bideoak, elkarrizketak eta azken informazioa
2013/10/10 , UEU Heziketa Natura Zientzia Ingurumena -
Ugatza berreskuratu nahian
2012/05/21 , Natura Zientzia Ingurumena