Huescan gatibutzan jaiotako azken ugatza Picos de Europara eraman dute hazi eta bakarrik bizitzeko gai izatea lortzen duenean bertan askatzeko. Picos de Europan birsartutako bigarren ugatza izango da.
Txita martxoak 25ean jaio zen, eta orain arte Zaragozako zentru batean hazi da, gizakiarekin inolako kontakturik eduki gabe. Orain de la pare bat egun, ordea, Ordesa eta Monte Perdido natur parkean dagoen habi batera eraman dute bere bizilekua izango den ingurunera ohitu dadin.
Neurria, bere horretan, oso polemikoa da. Ugatza aspaldi desagertu zen Picos de Europatik, eta desagerrarazi zuten faktoreak ez dira desagertu: goi-mendietako abeltzaintza bertan behera utzitza jarraitzen du, pozoiaren erabilera ez da desagertu... Eta birsartze arrakastatsu bat egiteko ezinbestekoa da lehenbizi faktore horiei ekitea. Gainera, publikoki ez bada ere, ornitologoen artean Huescan ugatzen habietatik arrautzak lapurtzen ari direlako susmoaz hitz egiten da, gero horrelako birsartzeak egingo dituzten elkarteei saltzeko (Eguzki-arranoarekin ere antzeko zerbait gertatu zen orain dela ez asko).
Beraz, argi dago espeziea desagerrarazi duten faktoreak aintzat hartuko dituen birsartze plan bat behar-beharrezkoa dela espeziea galdutako ingurunera berriro sartu baino lehenago. Bestela arrakastarik gabeko neurriak izango lirateke, eta hori espeziearen kalterako izango da, hartzen den lekutik alferrik ateratzen ariko baitirelako.
-
Euskal Herriko naturzaleek zita izango dute Donostian azaroan
2013/09/16 , UEU Heziketa Natura Zientzia Ingurumena -
Itsas izarrek ikusteko gaitasuna dute
2014/04/07 , Zientzia -
Izotz-bankisako arrakaletako metano ateraketak
2012/05/12 , Heziketa Natura Zientzia Ingurumena -
Topaketaren aurkezpena, bideoak, elkarrizketak eta azken informazioa
2013/10/10 , UEU Heziketa Natura Zientzia Ingurumena -
Ugatza berreskuratu nahian
2012/05/21 , Natura Zientzia Ingurumena