4000 lagun inguruk Esako urtegia handitzeari uzteko eskatu zioten Nafar Gobernuari eta Ebroren Konfederazioari larunbatean Zangozan egindako manifestazioan. Duela gutxi Esa herrian agertutako arrakalek eta Casas geologoaren adierazpenek Urtegia "segurtasun-maila bateraino" hustea beharrezkoa dela aldarrikatu zuten.
Badira hilabeteak Esako urtegiaren ondoko etxeetan arrakalak agertzen hasi zirela. Izan ere, Zaragozako Unibertsitateko irakasle eta geologo Antonio Casasek Esako urtegian egindako ikerketen arabera Esako urtegiaren ondoko bi magalak labaintzen ari dira, eta horrek kolokan jartzen du presaren egonkortasuna. Hori dela eta, geologoak Esa urtegitik behera dauden herriak hustu behar direla adierazi zuen.
Larunbateko manifestaldian egoera horren eta Nafar Gobernuaren jarreraren aurkako protesta egin zuten. Zangozako alkatearen esanetan "lasai eta inolako arriskurik gabe bizitzeko eskubidea" dutela aldarrikatu nahi izan zuten. Manifestaldian Zangoza inguruko bai eta Aragoiko hainbat herrietako alkateek ere parte hartu zuten.
-
Euskal Herriko naturzaleek zita izango dute Donostian azaroan
2013/09/16 , UEU Heziketa Natura Zientzia Ingurumena -
Itsas izarrek ikusteko gaitasuna dute
2014/04/07 , Zientzia -
Izotz-bankisako arrakaletako metano ateraketak
2012/05/12 , Heziketa Natura Zientzia Ingurumena -
Topaketaren aurkezpena, bideoak, elkarrizketak eta azken informazioa
2013/10/10 , UEU Heziketa Natura Zientzia Ingurumena -
Ugatza berreskuratu nahian
2012/05/21 , Natura Zientzia Ingurumena