Aurreko batean kopetazuri arruntan (Fulica atra) familia oso batekin in nuen topo. Gurasoez gain, 7 txita zeuden eta helduak hauek elikatzen ari ziren.

Balkoiko janlekura etorritako txoriekin jarraituz, kaskabeltz handiari tokatzen zaio gaur. Hemen neguan zehar lortutako argazki eta bideo batzuk.

Hile hasieran, paparrurdin batzuen argazkiak erakutsi nizkizuen, tartean eraztundutako paparrurdin bat. Ba itxura denez, Nantes (Frantzia) inguruan eraztundu zuten 2011n.

Orain dela gutxi, etxeko balkoian jarri nuen txorientzako janlekuaren argazki batzuk erakutsi nizkizuen, janlekuen inguruko azalpen batzuekin batera. Horri lotuta, janlekuan lortutako argazki eta bideo batzuk erakusteari ekingo diot gaur, buztangorri ilunarekin hasita.

Udaberri hasierakin batera, hegazti pasea izan dugu azken asteotan. Hainbat txori igaro dira guretik, hegoaldetik iparralderako bidean. Sasoi egokia izaten da urteko gainontzeko egunetan ikusi ezin diren hegazti batzuk ikusteko, eta horren adibide, gaurkoan erakusten dizuedan paparrurdina (Luscinia svecica). Aspalditik nuen txori hau ikusteko kuriosidadea eta uste baino ale gehiago ikusi genituen Zarauzko Iñurritza biotopoan. Bertan ateratako argazki batzuk eta bideo txiki bat erakusten dizkizuet.

Txori txikiak gertutik erretratatzea ez da batere erraza izaten, baina badaude hegaztiak hurbiltzeko hainbat modu. Horietako bat, janariarekin erakartzea da. Negu sasoian gainera, ez da erraza izaten naturan elikagaia topatzea eta hainbat txori espeziek asko eskertzen dute janari eskaintza.

Aspaldi ezer erakutsi gabe nengoenez, astebukaeran ateratako txantxangorri batzuen argazkiak erakusten dizkizuet. Beste bat arte!

Askorentzat hegaztirik politenetariko bat izango da martin arrantzalea. Bere kolore biziekin behintzat ezin esan txori deigarri bat ez denik.

Gaurkoan, teknika alde batera utzita, Getariako moilan erretratatutako hainbat martinen argazkiak erakutsi nahi dizkizuet. Uria aalge da espezie honen izen zientifikoa, eta Europako, Ipar Amerikako eta Asiako kostaldetan kumatzen dute. Euskal Herriko kostaldera neguan azaltzen dira, Frantzia iparraldetik eta Bretainia Handitik etorritako emeak eta gazteak, batez ere. Potorro arruntaren (Alca torda) antz handia du, baina hura baino apur bat handiagoa izateaz gain, mokoa askoz ere estu eta luzeagoa da.

9 martin kontatzera iritsi gara gaur arratsaldean Getariako moilan, eta horietako hainbati argazkiak ateratzeko aukera izan dut, barratik nahiko gertu baizebiltzan atseden hartzen edo arrantzan.