Asterazeoen familiakoa den landare aromatikoa da. Kurri izenarekin ezagutzen bada ere, ez da Indian jatorria duen kurri espezia egiteko erabiltzen den landarea. Zurtoik zurkara da eta igokariak diren adarrak ile leun batzuetaz estalita daude landareari izaera leunago bat emanez. Korinbo erako infloreszentziak garatzen dituzte, zeinak lehortuta infusioak egiteko erabiltzen diren. Euskal Herrian klima mediterranearra dagoen guneetan ageri dira.

Metro erdiko altuera eta metro bateko zabalera lor dezake. Zurtoin zurkara eta errestaria du eta angelutsuak dira. Bertatik ateratzen diren adarrak igokariak eta okertuak dira. Adar hoietan zehar ile txuri finak daude adarrari izaera finagoa eta kolore zurixka bat emanez.

Hostoak bakunak, osoak eta txandakatuak dira. Ertza errebolutua dute eta artilekarak diren ileak dituztenez, tonalitate txurikoak izaten dira. 4mm-ko zabalera dute eta aderren perimetro osoan zehar sakabanatuta daude.

Loreak 15-25 kapituluez (asterazeoen infloreszentzia) osatutako korinboetan antolatzen dira, hots, infloreszentziez osatutako infloreszentzia batean. Kapituloaren inbolukroa brakteaduna da, brakteak oso estuki teilakatzen dira eta kanpoaldekoak larrukarak eta barnekoak baino 5 aldiz motxagoak dira. Kolore hori-arrea du. Inbolukruaren barnean dauden loreak oso txikiak, horiak dira eta tutu formakoak dira denak (lore tubularrak). Polinizazio estrategia intsektuen bidezkoa (zoofilia) da.

Akenio erako fruituak ditu, hots, fruitu lehor indeisdenteak. Kolore arre-ilunekoak dira eta anemokoriaren bidez (haizearen bidez) sakabanatzen dira.

Europako hegoaldean du bere banaketa eremua, klima mediterranearrari lotuta. Euskal Herrian ere klima mediterranearran topatzen den eremuetan aurkitzen da, hots, Nafarroako eta Arabako hegoaldean.