Euskal Herriko basoetan ongi hedaturiko Amanita bat dugu hau. Forma erraz asko bereizgarria izateaz gain, eraztuna eta bolba dela eta, kolore grisa du, bere generokoen artean ez oso arrunta.

Artikuluari buruz Egilea: Antton Alberdi Sorrera: 2011/12/04 Azken eguneraketa: 2013/12/26 Bisita-kopurua: 1497 Motzean Taxonomia Dibisioa: Basidiomycota Klasea: Basidiomycetes Ordena: Agaricales Familia: Amanitaceae Deskribatzailea: Gonnermann & Rabenhorst (1869) Sinonimoak Agaricus pantherinus Ekologia Mikorrizikoa Jateko balioa Toxikoa Perretxiko-garaia Perretxikorik ez Perretxikoak bai

Makromorfologia

Pileoa

4tik 10 cm-rako diametroa izan dezake. Kolore arre-grisazka, arre-morea edo marroia mantxa horiekin. Likatsua eguraldia heze dagoenean. Hasieran globo itxurakoa, gerora ganbila, eta azkenik, zabaldua. Bolbatik sortutako kolore zuriko maluta txikiak, irintsuak eta piramidalak, eta haize edo euriagatik desager daitezkenak. Pileoaren ertza ildaskatua da sortzen denetik.

Estipea

6-12 cm luze eta 0,5-1,5 cm zabal. Kolore zuri-zikina, leuna, betea, nahi eta gerora hustu egiten den. Ahulduz doana goikaldetik, erdialdean eraztun zuri mintzakara estuarekin eta oinaldean bolbaduna.

Orriak

Orriak zuriak eta estuak dira. Himenoforoa askea da; hots, ez dago estipeari lotua.

Mamia

Zuria, mehea, hezea, ez oso sendoa eta usaingabea. Fenolarekin erreakzionatzen duena, hasieran kolore purpura emanez, eta gerora arrea.

Mikromorfologia

Esporak

9-12 x 7-8 μm. Eliptikoak eta kolore zuriko da esporada.

Ekologia

Habitata

Udara edo udazkenean agertzen da. Ektomikorrizikoa da eta, batik bat, hostozabaletan (haritz, pago eta arteetan), baina baita koniferoen basoetan ere. Goi-larreetan ere ageri da inoiz, hemengo aleen pileoak kolore argiakoak direlarik.

Perretxiko-garaia

Uda amaieran eta udazkenean sortzen ditu perretxikoak.

Jateko balioa

Perretxiko pozointsua da. Amanita muscarian dauden toxina antzekoak ditu eta digestio-aparatuaren nahastea sortzen dute toxina horiek. Ez dira A. muscarian dauden toxinak bezain haluzinagarriak baina, toxizitate altuagoa dute A. phalloidesen.