Aste honetan aurkeztu dute Iruñeko ugaztunei buruzko liburua: bisoiak, igarabak, azkonarrak,... hirian edo hiritik gertu aurkituko genituela pentsatzen ez genuen ugaztun asko jaso dira liburuan, Iruñeko biodibertsitatearen islada. Bertan, gainera, espezieon egoerari eta biologiari buruzko datu interesgarri asko jaso dituzte.

Orain dela egun gutxi batzuk bukatu zen Nazio Batuen Erakundearen Biodibertsitatearen goi-bilera. Bertan garapen bidean dauden herrialdeei naturaren babeserako bideratutako diruak jatorri publikoa edo pribatua izateko aukera onartu zen, besteak beste.

Espezie gutxi daude ugalketa garai osteko (menopausia garaia alegia) bizitza luzea dutenak. Horien artean orkak aurkitzen dira eta horren arrazoia topatu du Exeter eta York Unibertsitateetako ikerketa talde batek. Kume arrek amaren behar handia dute, bai bizirauteko eta baita ugalketa arrakastatsua lortzeko ere. Hau litzateke amak beren bizitza luzatzearen zergatia, semea beren heldutasuna lortu arte amarenganako lotura estua.

Partenogenesi izena ematen zaio ar baten beharrik gabe emeak kumeak izateari, eta horixe bera da Amerikako Estatu Batuetako krotalo suge basatietan aurkitu berri dutena. Partenogenesi fakultatiboa ohikoa da ornogabe askotan, eta  hainbat ornodunetan ere gertatzen da: etxe-oiloetan, hainbat muskerretan, suge gutxi batzuetan eta marrazoetan, besteak beste. Kasu ia guztietan, ordea, gatibutzan zeuden animalietan deskribatu da fenomenoa. Tulsako Unibertsitateko (Oklahoma, AEB) ikerlariek, ordea, Crotalinae familiako sugeetan fenomenoa uste baino askoz ere arruntagoa dela azaldu berri dute.

Frantziako Sophia Agrobiotech Institutuko ikerlari talde batek afidoek edo landare-zorriek fotosintesia garatzeko gaitasuna izan dezaketela adierazi berri dute; hau da, gai direla eguzki-energia berenganatu eta energia hori euren bide metabolikoetan erabiltzeko. Landare-zorriak landareen sapaz edo izerdiaz elikatzen diren intsektu txikiak dira, eta, besteak beste, marigorringoen elikagai nagusia. Duela bi urte afidoak karotenoideak sintetizatzeko gai direla aurkitu zuen talde berberak, hari hortatik jarraitu eta intsektuen artean lehen aldiz fotosintesia gerta daitekeela adierazten duten zantzuak badaudela adierazi dute.

5 pertsona atxilotu dituzte Tutera eta Zentroniko (Nafarroa) inguruko bi ehiza-barrutitan hegazti harrapariak hiltzeko pozoia erabiltzeagatik. Dagoeneko 120 animalia hilik aurkitu dira, haien artean legez babestuta dauden miruak, sai zuriak, zingira-mirotzak eta sai arreak.

Ministroak transgenikoak biztanleen horniketa osasungarria bermatzeko ezinbestekoak direla esan du, eta ezin dugula laborantza transgenikoak onartu dituen mundu globalizatutik isolatuta jarraitu. Tamalez, ez da horrelakoak esaten dituen lehendabiziko aldia.

Osasunaren Mundu Erakundeak eta Europako Kontseiluak eremu elektromagnetikoen arriskuaz ohartarazi ondoren estatuak ez duela ezer egin salatu zuten atzo kutsadura elektromagnetikoaren kontrako elkarteek.

Urteak dira Nafarroako Kanala Elortzibarrean zehar igarotzen den gunean animalia ugari hilda aurkitzen direla. Antza denez animaliak bertara ura edatera gerturatzen dira, baina ezustean bertara erori eta ezinezkoa egiten zaie bertatik ateratzea.

Dagoeneko badaukan 27 itsas erreserben zerrendari 33 gehiago gehituko dizkio Australiak. Helburua bale urdina, itsas dortoka... eta mehatxatutako beste hainbat espezie bizi diren itsasoak gordetzea da.

Naturaren Kontserbaziorako Nazioarteko Erakundeak (IUCN) munduko ekosistema mehatxatuen zerrenda gorria prestatuko du. Helburua espezieen zerrenda gorriaren antzeko bilduma bat osatzea da, ekosistemen egoeraren jabe izateko.

BirdLife International erakundeak egin berri duen ikerketa baten arabera, mundu mailan hegaztien %13 desagertzeko zorian dago. Egoera tamalgarri honen arrazoi nagusia hegaztientzako aproposak diren habitaten galera da, eta azken honen arrazoia nagusia, gizakia.

Aste honetan Science zientzia-aldizkaria publikatu dutenez, Ozeano Pazifikoko hainbat uhartetan gertatzen ari den erleen heriotza masiboen erantzulea aurkitu dute: birus-akaro binomio hilgarria, hain zuzen. Varroa generoko akaroak erleen kanpo-parasitoak dira, baina akaro hauen eragin kaltegarria nagusia euren hemolinfan daramaten birus-karga handia da, erleen heriotza eragiten duena.

Harrobia egiten ari diren ingurunea ezagutu ahal izan dugu Alduide Mendia Kordinakundeko kideek antolatutako mendi-martxara hurbildu garenok. Gainera, borroka zertan den azaldu zaigu.

Larunbatean, ekainak 2an, mendi martxa bat antolatu dute Alduide Mendia Kordinakundeko kideek. Helburua harrobia egiten ari diren ingurunea ezagutzea eta sarraskiaren berri ematea da.