Burgoseko Santa Maria de Garoña herrian dagoen zentral nuklearra ustiatzeko baimena urtebetez luzatzea erabaki du Espainiako Segurtasun Nuklearreko Kontseiluak (CSN). Denbora horretan Nuclenorrek zentrala geldirik eduki beharko du, alegia, erreaktorean erregai nuklearrik sartu gabe.

Garoñako zentral nuklearra behintzat beste urtebetez irekita edukitzeko asmoa dute Endesak eta Iberdrolak eta, hartara, jarduera-baimena luzatzeko eskaria egin diote Espainiako Gobernuari. Uztailaren 6an amaituko da zentrala martxan jarraitzeko baimena, baina Nuclenorrek jarduera iazko abenduan eten zuen.

Duela sei urte sortu genuenetik, apurka-apurka atalak gehitu dizkiogu EuskalNatura.eus webguneari, eta beste pausotxo bat eman dugu oraingoan. Euskal Herrian eta inguruan antolatzen diren natura eta natur zientziekin zerikusia duten gertakariak jasoko dituen agenda martxan da dagoeneko, eta irekita dago erakunde, elkarte zein norbanakoek antolatzen dituzten ekintzak jasotzeko. Honako helbide honetan aurki dezakezue: www.euskalnatura.eus/harian/agenda 

Espainiako Gobernuak prestatu berri duen Ingurugiro Balioespenaren Lege Aurreproiektuaren arabera autopistei, zentrak nuklearrei, harrobiei eta antzeko proiektuei oniritzia ematen dieten ingurugiro-txostenak behin betikoak izango dira eta ezingo zaizkie helegiteak aurkeztu.

Duela bi aste Aritxulegitik Zilbetira egin genuen irteeraren gorabeherak azaltzen dituen kronika ikusgai dago EuskalNatura.eus-en. Egun bakoitzean egindako ibilbidearen xehetasunak ikus daitezke bertan, eta mapa eta argazki ugarirekin lagunduta bertan izan genuen giro paregabea islatzen gara. Bejondeizuela animatu zineten guztiei! 

Gaur egun, Antartikaren inguruan dauden misterioetako askoren erantzuna inguru horietako ur hotza eta gazitasuna dira. Klima ikertzen duten zientzialarien galdera da zergatik Hego Poloa inguratzen duen itsas-izotz geruza %2 hazi den azken hamarkadan. Aldiz, beste poloan, Artikoan, aurkako joera ikus daiteke; itsas-izotzaren hedadura murrizten ari da, eta joan zen urteko Irailean, inoiz ikusi den urtze handiena behatu zen. Ipar Poloko prozesuak ozeanoetan ematen ari den beroketarekin bat datoz, baina Antartikaren inguruko izotz-bankisaren hedapenak ordea, azalpen soil baten beharra du.

PP, PSOE eta PRC alderdien babesarekin lurpetik gasa erauzteko Fracking teknika debekatzen duen legea adostu dute Kantabrian. Gogora dezagun fracking-a debekatzeko antzeko eskariak egin dituztela Nafarroan eta Araban ere.

EuskalNaturak antolatuta, Oiartzundik Zilbetirako mendi-zeharkaldia egingo dute EHUko ikasleek eta EuskalNaturako kideek apirilean. 30 lagunez osatutako taldeak ibilbidea bost etapatan egingo du, eta egunero naturaren kudeaketan eta ikerketan lanean diharduten lekuan lekuko pertsonen azalpenak jasoko dituzte. Ibilbidean, Aiako Harria, Artikutza, Bertiz eta Aldudeko basoa ezagutzeko parada izango dute, besteak beste.

Jende mordoa elkartu da gaur Zilbetin bertako eta inguruko herritarrek harrobiaren kontrako ikur modura basoan margotu zuten "Gernika" margolanaren berreskurapena ikusi eta bertako pagoak babesteko.

Hurrengo larunbatean, hilak 30, goizeko 11etan “Gernika” margolana berrinauguratuko da Zilbetin (Erro, Nafarroa). Gainera pagoetan euren babesleak diren pertsonen nahiz elkarteen izenak daramatzaten xingolak ipiniko dira.

Uztailaren 22tik 26ra Jacan (Huesca) “Pirinioetako ugaztunak” izeneko ikastaroa emango da. Ikastaroa Zaragozako Unibertsitateak antolatzen du eta gazteleraz izango da. Hainbat gai jorratuko dira eta teoria orduez gain landa praktikak ere egingo dira.

3 Mugak Batera erakundeak Olaztiko Portland enpresak abiatuko duen errausketaren kontrako manifestaziora deitu du, bai eta partidu politiko, erakunde eta sindikatu askok ere. Lekua: Altsasuko Nettoko parking-a. Ordua: arratsaldeko 18.00ak. Eta bertara hurbiltzeko arrazoiak ehundaka. 

Nafarroako Parlamentuak Zaraitzuko Biltzarraren eskaria bere egin eta Nafar Gobernuari Iratiko Oihana Natur Parke izendatzeko tramiteak has ditzala eskatu dio. Halaber, Aezkoa bailarako arduradunekin ere hitz egin dezala eskatu diote, babesgunea oihanaren osotasunari hedatu ahal izateko.

Espainiar Gobernuko Ministro Kontseiluak 2007. urtetik indarrean dagoen animalien garraioa, ikerketa eta hiltzea arautzen duen legea berrituko du, Europako arautegiak agintzen duenari egokitzeko asmoz. Haien helburua animalien ongizatearen eta ikerketa zientifikoaren arteko oreka lortzea dela esan dute.

Europan bisoi europarrak atzerakada nabarmena jasan du azken urteotan. Baina Nafarroan (eta badirudi Ebro ibaian zehar bizi direnen kasuan ere) populazioak hedatzen eta handitzen ari omen dira. Euskal Herrikoa Europako bi populazioetako bat da, eta Burgosen eta Sorian ere aurkitu izan dira.