Onddo saprofito lignikola denez, zuhaitz hilen egurraz elikatzen da. Borobil-erdiko forma dauka eta kolore nahiko argiak hasieran, gero gris antza hartzen doazenak. Karpoforo larrukara eta elastikoa daukanez, maiz  kostra itxura hartzen du. Ile gogorrez eslitako azala dauka normalean, eta himenioforoa aldiz geruzatua eta leuna da. Enbor iletan aurkitzen da gehienetan, multzoka, ilarak soruz. Urte osoan zehar hazten dira.

Artikuluari buruz Egilea: Sorrera: 2012/01/04 Azken eguneraketa: 2013/03/29 Bisita-kopurua: 1221 Motzean Taxonomia Dibisioa: Basidiomycota Klasea: Agaricomycetes Ordena: Russulales Familia: Stereaceae Deskribatzailea: (Willd.) Pers., 1800 Ekologia Saprobio lignikola Jateko balioa Baliogabea

Makromorfologia

Fruitu gorputza

Larrukara eta elastikoa da, askotan zuhaitzean dagoen kostra bat dela dirudi. Hasieran nahiko forma borobildua dauka baina gero zirkulo-erdiko forma hartzen du (efusu-erresupinatua). Bere lodiera 0,2-0,4 bitartekoa da, bere diametroa 5-8 cm-koa, eta bere zabalera (erradioa) 1-3 cm-koa. Azala izaera gogorreko ilez estalita dago normalean, eta gainjarritako ilarak osatzen dituzte ileek. Kolore txuri-horixka dauka eta ertzak irregularrak dira. Oinik gabea. Mamia oso eskasa da eta gogorra. Garapen gimnokarpikoa du, hau da, gune himeniala ez da inoiz errezel batez babestuta haziko.

Mikromorfologia

Basidioak

Holobasidio klabiformeak ditu, garapen exogenoz lau basidiospora garatzen dituztenak. Beraz ez dira trenkatuak izango eta ez dituzte holtzik aurkeztuko. Basidiospora horiek esterigma batez lotuta egongo dira.

 

Esporak

Txuriak eta eliptikoak dira, 5-6,5 x 2,5-3 mikrakoak, leunak eta gardenak. Espora-jailkin zuria dute.

Ekologia

Habitata

Saprofitoa da eta enbor hiletan hazten da, batik bat pagadietan. Taldeka ageri dira elkarregandik oso urbil eta onddo ugariko geruzak sortuz. Urteko sasoi guztietan aurkitzen da. Oso ohikoa da artearen enborretan eta baita haritzen enborretan aurkirzea. Banaketa zabalekoa da eta Euskal Herrian oso ohikoa. 

Jateko balioa

Jaki bezela ez du baliorik. Egurretako onddoa da.