Katilu laranja, laranja kolore biziko askomikoto ederra da. Tamainari dagokionez ertaina da, nahiz eta, ale handienak 10 cm-tako diametroa izan. Neguan eta udaberri hasieran agertzen den onddoa da, bai hostozabalen bai koniferoen basoetan, onddo honek ezinbestekoa dauka inguruan hezetasun handia izatea. Jangarria baldin bada ere, ez dauka inongo baliorik, usain eta zapore nabarmenik ez baitauka. 

Artikuluari buruz Egilea: Sorrera: 2013/03/20 Azken eguneraketa: 2013/03/29 Bisita-kopurua: 1834 Motzean Taxonomia Dibisioa: Ascomycota Klasea: Pezizomycotina Ordena: Pezizales Familia: Pyronemataceae Deskribatzailea: (Pers.: Fr.) Fuckel Sinonimoak Helvella coccinea Peziza aurantia Scodellina aurantia Ekologia Saprobio humikola Jateko balioa Jangarria Perretxiko-garaia Perretxikorik ez Perretxikoak bai

Makromorfologia

Fruitu gorputza

Tamaina ertaineko askomikotoa da. 2-10 cm-tako diametroko askoma garatzen du. Hasieran, kopa itxura izaten badu ere, alea zahartzen doan heinean, forma galtzen doa eta hertza biribilkatzen joaten da. Koparen barrualdeak kolore laranja distiratsu ikusgarria dauka eta leuna izaten da. Kanpoaldea laranja kolorekoa bada ere, hau, askoz apalago izaten da, ia kolore zuria duela esan daiteke.  

Hankarik ez duenez, karpoforoa zuzenean lurrean txertatzen da. Fruitu gorputzaren gune gogorrenetik, erdialdetik, itsasten da lurrari.

Mamiak kolore laranja argia dauka. Mehea izateaz gain hauskorra da. Ez dauka usain eta zapore berezirik.

Mikromorfologia

Askoak

Asko oktosporikoak 185-200 x 10-13 µm tamaina dute.

Esporak

Kolore zuriko esporak dituen onddoa da katilu laranja. Esporak elipsoidalak dira eta puntan kolore ilunagoko bi garatxo dituzte. 15-20 x 8-11 µm-tako espora apaindua, erretikulatuak izaten dira. Onddo hauen esporada begi hutsez ikustea erreza da, nahiko da ale batzuk jasotzea eta kristalezko eduki-ontzi baten sartu eta tapa jartzea. Denbora batera tapa zabalduz gero kolore zuriko laino bat ikusiko dugu irteten. Hauek esporak dira, eta berehalako tenperatura aldaketak eragiten du espora isurtzea.

Ekologia

Habitata

Bai hostozabaletan bai koniferoez osaturiko basoen soilgunetan. Gure basoetan ugaria den onddo da. 

 

Perretxiko-garaia

Neguan eta udaberri hasieran agertzen den onddoa da.

Jateko balioa

Jateko ona da, baina ez dauka balio handirik oso mami gutxiko onddoa baita.