Harrobia egiten ari diren ingurunea ezagutu ahal izan dugu Alduide Mendia Kordinakundeko kideek antolatutako mendi-martxara hurbildu garenok. Gainera, borroka zertan den azaldu zaigu.

Larunbatean, ekainak 2an, mendi martxa bat antolatu dute Alduide Mendia Kordinakundeko kideek. Helburua harrobia egiten ari diren ingurunea ezagutzea eta sarraskiaren berri ematea da.

Ekainak 3an, igandea, Bardeetako tiro-poligonoaren kontrako 25. martxa egingo da. Urtero bezala, Bardeetako Biosferaren Erreserban egiten diren praktika militarrak bertan behera gelditu daitezela eskatuko dute berriro ere.

Europako Ganberak Europako batzordeari txosten baten bidez zabortegiak eta erraustegiak itxi ditzala eskatu berri dio. Eskaera hau, ordea, modu desberdinean interpretatu dute PSE eta EAJ alderdiek eta Gipuzkoako erraustegiarekin tematuta jarraitzen dute.

World Wildlife Fundek (WWF) salatu duenez, Espainiar estatuan Natura 2000 Sarearen barruan kokaturiko eremuen %9 soilik ditu onartutako kudeaketa planak. Diotenez, plan horien onarpenak onura handiak dakartza, izan ere Europatik diru laguntzak jasotzea, landa-eremuetan lanbideak sustatzea eta jarduera tradizionalak mantentzea suposatuko luke kudeaketa plan horiek onartzeak.

Huescan gatibutzan jaiotako azken ugatza Picos de Europara eraman dute hazi eta bakarrik bizitzeko gai izatea lortzen duenean bertan askatzeko. Picos de Europan birsartutako bigarren ugatza izango da.

Orkoienen (Nafarroan) biomasa erretzeko lantegi bat jarri nahi dute. Eta erantzuna laster etorri da; Orkoiengo zenbait bizilagunek plataforma bat sortu dute bizilagunei informazioa helarazteko. Hori baita, haien esanetan, bizilagunek eskatzen duten gauza bakarra.

Hauskorra eta aldakorra den Artikoa metano-biltegi handien gunea da, berotegi efektuko gas garrantzitsua dena. Lurra berotzen ari den heinean, metanoa biltegi hauetatik atera eta atmosferara bideratzen da, beroketa globala areagotuz. 

Asturiasko Koordinakunde Ekologistak (CEA) eta Otsoaren Ikerkuntza eta Babeserako Erakundeak (ASCEL) Asturiasko Teverga udalerrian tiroz hildako otsoak aurkitu direla salatu berri dute.

Oviedoko Unibertsitateko ikertzaile batzuk haztegietako arrainei ematen zaien pentsuaren DNA aztertu dute lehen aldiz eta euren harridurarako hainbat arrain basatien arrastoak aurkitu dituzte. Honek ez die mesederik egiten arrain populazioei, are gehiago, gehiegizko arrantza sustatzen du.