Albisteak: Ingurumena
Iberiar penintsulako bisoi europarren %64a Nafarroan dago

Iberiar penintsulako bisoi europarren %64a Nafarroan dago

Nafarroako populazioak 700 ale ditu.

2012/12/14

Iruzkinik ez
1206 bisita

Europan bisoi europarrak atzerakada nabarmena jasan du azken urteotan. Baina Nafarroan (eta badirudi Ebro ibaian zehar bizi direnen kasuan ere) populazioak hedatzen eta handitzen ari omen dira. Euskal Herrikoa Europako bi populazioetako bat da, eta Burgosen eta Sorian ere aurkitu izan dira.

Kyoto 1997 – Doha 2012 – Kyoto 2020

Kyoto 1997 – Doha 2012 – Kyoto 2020

Qatarreko hiriburuan ospatu den konferentzian berotegi-efektuko gasen emisioa erregulatzen duen Kyotoko protokoloa 2020rarte luzatzea erabaki da

2012/12/10

Iruzkinik ez
861 bisita

Nazio Batuen Erakundeak (NBE) Dohan (Qatar) antolatutako elkarrizketen testuinguruan 200 herrialde inguruk erabaki dute  berotegi-efektuko gasen emisioa mugatzen duen legedi lotesle bakarra 2020 urtea arte luzatzea. Negoziazio luze eta korapilatsuen ondoren lortu da akordioa, herrialdeen arteko tirabiren lekuko. Aldaketa klimatikoari aurre egiteko funtsezkoa behar zukeen akordioa, ordea, eskasa suertatu da bai edukiz eta bai atxikimenduz.

Garoña berehalako itxieraren atarian egon liteke

Garoña berehalako itxieraren atarian egon liteke

Espainiako senatuak zuzendu berri duen lege baten harira zentralaren ustiapenaren kostuak izugarri igoko dira

2012/12/07

Iruzkin 1
844 bisita

Garoñako zentral nuklearraren itxiera 2013ko uztailaren 6rako zegoen programatua, bere ustiaketaren ardura duen Nucleonor enpresak (Iberdrola eta Endesak osatzen dutenak) ustiapenerako lizentzia luzatzeari uko egin baitio berriki. Madrilen hartu den erabaki batek, ordea, bere itxiera aurreratu dezake. 2013 urteko urtarrilaren 1ean martxan jarriko den zerga-sistema berriak zentralaren bideragarritasun ekonomikoa ezbaian jarri du eta Garoñako arduradunek erreaktorea datozen egunotan itzaltzea erabaki lezakete.

Iruñeko ugaztunei buruzko liburu bat argitaratu berri dute

Iruñeko ugaztunei buruzko liburu bat argitaratu berri dute

Honakoa Iruñeko hiri-biodibertsitatearen bildumako 8. liburua da.

2012/11/24

Iruzkinik ez
1317 bisita

Aste honetan aurkeztu dute Iruñeko ugaztunei buruzko liburua: bisoiak, igarabak, azkonarrak,... hirian edo hiritik gertu aurkituko genituela pentsatzen ez genuen ugaztun asko jaso dira liburuan, Iruñeko biodibertsitatearen islada. Bertan, gainera, espezieon egoerari eta biologiari buruzko datu interesgarri asko jaso dituzte.

Itsas maila La Niñaren erritmoan dantzan

Itsas maila La Niñaren erritmoan dantzan

La Niña fenomeno klimatologikoak 2010-2011 urteetan zehar irauli egin zuen aldaketa klimatikoak eragindako itsas mailaren gorakada

2012/11/22

Iruzkinik ez
1387 bisita

Aldaketa klimatikoa hamaika fenomeno global eragiten ari da eta horietatik nabarmenenetako bat poloetako eta glaziarretako izotzaren urtzea da. Horren ondorioz, itsas mailak urteko 3,2 mm egiten du gora, azken hamarkadetan gorakada hori monitorizatu duten sateliteen datuek adierazi bezala. Hala ere, 2010-2011 urteetan zehar La Niña gisa ezagutzen den fenomeno klimatologiko biziki indartsu batek uren banaketa globala aldatu eta itsas mailaren jaitsiera eragin zuen.

Picassoren Gernikak Zilbetiko basoa hartu du

Picassoren Gernikak Zilbetiko basoa hartu du

2012/11/13

Iruzkinik ez
1454 bisita

Gaur Zilbetin egin nahi duten harrobiaren kontrako talde ekologistek Picassoren Gernika margolana margotu dute bertako pagadian. Ekimen honekin "iritzi publikoa sentsibilizatu" nahi izan dute, "hondeamakina suntsitzaileen aurrean pagadia adierazpen-tresna gisa" erabiliz.

Talde ekologistak Ebroren Arroaren planaren kontra agertu dira

Talde ekologistak Ebroren Arroaren planaren kontra agertu dira

2012/11/09

Iruzkinik ez
832 bisita

SEO/Birdlife, Ansar, Coagret eta Ekologistak Martxan talde ekologistak Aragoiko Gobernua prestatzen ari den eta Ebroren plan hidrologiko berrirako abiapuntu izango den txostenaren kontra azaldu dira batik-bat etekinak besterik ez dituelako helburu. Planak Euskal Herriko ekialdean dagoen Esako urtegiarekin zer gertatuko den aginduko du, besteak beste

"Pago bat zaindu" ekimena martxan jarri du Zilbetiko harrobiaren kontrako koordinakundeak

2012/10/31

Iruzkinik ez
920 bisita

Nazioarteko babes figurak agintzen duenaren gainetik Alduide Mendia Kontserbazio Bereziko Eremuan (KBE) harrobi bat egiten ari dira, besteak beste Europako ekosistema babestua den pagadi azidofiloa suntsituz. Hori dela eta kasua epaitegian dago, baina bitartean zuhaitzak mozten hasteko arriskuaren aurrean ekimen hau abiatu dute.

Herri-konpostajea abian da Sarrigurenen

Herri-konpostajea abian da Sarrigurenen

2012/10/29

Iruzkinik ez
862 bisita

Sarrigurengo (Nafarroa) biztanleek 4 gune izango dituzte etxean sortutako materia organikoarekin herri-konposta egiteko. Ekimena "eko-hiria" egitasmoaren baitan dago eta Iruñerriko Mankomunitateak ere parte-hartu du.

Nazio Batuen Erakundearen goi-bilerak biodibertsitatearen pribatizazioari ateak ireki dizkio

Nazio Batuen Erakundearen goi-bilerak biodibertsitatearen pribatizazioari ateak ireki dizkio

2012/10/25

Iruzkinik ez
1481 bisita

Orain dela egun gutxi batzuk bukatu zen Nazio Batuen Erakundearen Biodibertsitatearen goi-bilera. Bertan garapen bidean dauden herrialdeei naturaren babeserako bideratutako diruak jatorri publikoa edo pribatua izateko aukera onartu zen, besteak beste.

Fracking-arena proiektu bideraezina eta burugabea da

Fracking-arena proiektu bideraezina eta burugabea da

2012/10/24

Iruzkinik ez
1092 bisita

Anthony Ingraffea Estatu Batuetako ingeniaria da, eta fracking edo haustura hidraulikoaren arloan munduan dagoen adituenetariko bat da. Bere ustez Espainian Fracking-aren alde egiteak ez du ez hanka ez bururik.

Besteen kontura garbiago

Besteen kontura garbiago

EAEk bere ingurumena besteena kaltetuz hobetzen du

2012/10/16

Iruzkinik ez
960 bisita

BioRes proiektuaren baitan argitaratutako txosten baten arabera, EAEko ingurumenaren kalitateak hobera egin du azken 20 urteotan. Baina hobekuntza hori beste herrialde batzuena kaltetzearen truke izan da, kutsadura handia sortzen duten produkzioak besteak beste Afrikan egiten baititu.

Txingudiko hezegunearen babesa murriztu nahi du Eusko Jaurlaritzak

Txingudiko hezegunearen babesa murriztu nahi du Eusko Jaurlaritzak

Bidasoa ibaiaren bokalean (Irun-Hondarribia) dagoen hezegunearen garrantzia ekologikoa aski aitortua da nazioartean

2012/10/09

Iruzkinik ez
929 bisita

Euskal Autonomi Erkidegoko (EAE) zenbait gune, Urdaibai esaterako, EAEko Natura Babesteko Legean biltzen ziren hainbat babes-entitateren baitan (natur parkeak, biotopo babestuak…) babestu ziren. Txingudiko hezeguneak, ordea, babes legal atipiko samarra izan du. Hezegunearen babesa hirigintzan erabiltzen den udalerriz gaindiko Plan Berezi batean zehaztu zen, Irun eta Hondarribiko Udalen, Gipuzkoako Foru Aldundiaren eta Eusko Jaurlaritzaren artean adostu zena, hain zuzen ere. Orain, Itsas Enara Ornitologia Elkarteak salatu duenez Eusko Jaurlaritzak Txingudiko hezegunean babestutako gunearen mugak aldatu eta babestutako azaleraren erdiari babesa kendu nahi dio.

Artikoa izotzik gabe uste baino arinago

Artikoa izotzik gabe uste baino arinago

Artikoko izotz azalerak inoizko baliorik baxuenak izan ditu uda honetan, eta izotz guztien urtzeari ere data aurreratu diote.

2012/09/21

Iruzkin 1
1180 bisita

Sateliteak Artikoaren neurketak 1979an egiten hasi zirenetik, inoizko izotz azalerarik txikiena neurtu zen joan den irailaren 16an. Gainera, neurketa berrien arabera, erabateko desizoztea 2040en izango da, 30 urte aurreratuz azken predikzioa.  Zientzialariek aldaketa globalari atxikitzen diote honen arrazoia, eta tenperatura globalaren murrizketarako ideia urgenteak eskatzen dituzte.

Nuclenorrek ez du Garoñarekin jarraitzeko baimena berritu

Nuclenorrek ez du Garoñarekin jarraitzeko baimena berritu

2012/09/12

Iruzkinik ez
874 bisita

Bukatu da epea, eta orain arte Garoñako Zentral Nuklearra kudeatzen zuen Nuclenor enpresak ez du zentralarekin martxan jarraitzeko baimena eskatu. Eta hori ospatzeko zenbait talde ekologistek elkarretaratzea egin zuten igandean.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...