Urteak dira Nafarroako Kanala Elortzibarrean zehar igarotzen den gunean animalia ugari hilda aurkitzen direla. Antza denez animaliak bertara ura edatera gerturatzen dira, baina ezustean bertara erori eta ezinezkoa egiten zaie bertatik ateratzea.

Dagoeneko badaukan 27 itsas erreserben zerrendari 33 gehiago gehituko dizkio Australiak. Helburua bale urdina, itsas dortoka... eta mehatxatutako beste hainbat espezie bizi diren itsasoak gordetzea da.

Naturaren Kontserbaziorako Nazioarteko Erakundeak (IUCN) munduko ekosistema mehatxatuen zerrenda gorria prestatuko du. Helburua espezieen zerrenda gorriaren antzeko bilduma bat osatzea da, ekosistemen egoeraren jabe izateko.

BirdLife International erakundeak egin berri duen ikerketa baten arabera, mundu mailan hegaztien %13 desagertzeko zorian dago. Egoera tamalgarri honen arrazoi nagusia hegaztientzako aproposak diren habitaten galera da, eta azken honen arrazoia nagusia, gizakia.

Aste honetan Science zientzia-aldizkaria publikatu dutenez, Ozeano Pazifikoko hainbat uhartetan gertatzen ari den erleen heriotza masiboen erantzulea aurkitu dute: birus-akaro binomio hilgarria, hain zuzen. Varroa generoko akaroak erleen kanpo-parasitoak dira, baina akaro hauen eragin kaltegarria nagusia euren hemolinfan daramaten birus-karga handia da, erleen heriotza eragiten duena.

Gipuzkoako hondakinen kudeaketarako plan berriak probintziako hiru zabortegiak ixtea aurrikusten du 2014rako. Halere, plan berriak dio birziklatu ezin diren hondakinak egonkortu eta gune degradatuetan (harrobiak…) metatuko direla. Oposizioko alderdien ahotan “iruzurra”, “amarrua” eta antzerakoak entzun ditugu. Baina zer dira zabortegi berri hauek?

Carmen Vela Espainiak zientziarako duen estatu-idazkariak artikulu bat idatzi du asteon Nature aldizkarian, Espainiako gobernuak etorkizun hurbileran erabiliko duen estrategiaren berri emanez eta hura defendatuz. Bertan aipatutako ideia nagusia Espainian ikerlari gehiegi daudela eta produkzio zientifikoa kalitate baxuegikoa dela izan da, eta horri buelta emateko ikerlari gutxiago baina ikerlari hobeak behar direla. Laster etorri dira han-hemengo ikerlarien erantzunak, bai Espainiakoak eta baita handik kanpokoak ere.

Gipuzkoako Aldundiak hondakinak kudeatzeko estrategia atera berri du. Estrategia horren baitan 2020. urtean hondakin guztien %75a gaika jaso nahi da. Horrekin zabortegiak itxi, sei konpostatze planta sortu eta biometanizazio planta bat egitea aurreikusten da.

Portland enpresak zementua egiteko erregai gisa egurra erretzen zuen orain arte. Orain hondakinak erretzeko asmoa du energia lortzeko, eta proiektu hori Udalaz Gaineko Intzidentziadun Proiektua izendatzea eskatu dio Gobernuari.

Harrobia egiten ari diren ingurunea ezagutu ahal izan dugu Alduide Mendia Kordinakundeko kideek antolatutako mendi-martxara hurbildu garenok. Gainera, borroka zertan den azaldu zaigu.

Larunbatean, ekainak 2an, mendi martxa bat antolatu dute Alduide Mendia Kordinakundeko kideek. Helburua harrobia egiten ari diren ingurunea ezagutzea eta sarraskiaren berri ematea da.

Ekainak 3an, igandea, Bardeetako tiro-poligonoaren kontrako 25. martxa egingo da. Urtero bezala, Bardeetako Biosferaren Erreserban egiten diren praktika militarrak bertan behera gelditu daitezela eskatuko dute berriro ere.

Europako Ganberak Europako batzordeari txosten baten bidez zabortegiak eta erraustegiak itxi ditzala eskatu berri dio. Eskaera hau, ordea, modu desberdinean interpretatu dute PSE eta EAJ alderdiek eta Gipuzkoako erraustegiarekin tematuta jarraitzen dute.

World Wildlife Fundek (WWF) salatu duenez, Espainiar estatuan Natura 2000 Sarearen barruan kokaturiko eremuen %9 soilik ditu onartutako kudeaketa planak. Diotenez, plan horien onarpenak onura handiak dakartza, izan ere Europatik diru laguntzak jasotzea, landa-eremuetan lanbideak sustatzea eta jarduera tradizionalak mantentzea suposatuko luke kudeaketa plan horiek onartzeak.

Huescan gatibutzan jaiotako azken ugatza Picos de Europara eraman dute hazi eta bakarrik bizitzeko gai izatea lortzen duenean bertan askatzeko. Picos de Europan birsartutako bigarren ugatza izango da.