Sateliteak Artikoaren neurketak 1979an egiten hasi zirenetik, inoizko izotz azalerarik txikiena neurtu zen joan den irailaren 16an. Gainera, neurketa berrien arabera, erabateko desizoztea 2040en izango da, 30 urte aurreratuz azken predikzioa.  Zientzialariek aldaketa globalari atxikitzen diote honen arrazoia, eta tenperatura globalaren murrizketarako ideia urgenteak eskatzen dituzte.

Espezie gutxi daude ugalketa garai osteko (menopausia garaia alegia) bizitza luzea dutenak. Horien artean orkak aurkitzen dira eta horren arrazoia topatu du Exeter eta York Unibertsitateetako ikerketa talde batek. Kume arrek amaren behar handia dute, bai bizirauteko eta baita ugalketa arrakastatsua lortzeko ere. Hau litzateke amak beren bizitza luzatzearen zergatia, semea beren heldutasuna lortu arte amarenganako lotura estua.

Partenogenesi izena ematen zaio ar baten beharrik gabe emeak kumeak izateari, eta horixe bera da Amerikako Estatu Batuetako krotalo suge basatietan aurkitu berri dutena. Partenogenesi fakultatiboa ohikoa da ornogabe askotan, eta  hainbat ornodunetan ere gertatzen da: etxe-oiloetan, hainbat muskerretan, suge gutxi batzuetan eta marrazoetan, besteak beste. Kasu ia guztietan, ordea, gatibutzan zeuden animalietan deskribatu da fenomenoa. Tulsako Unibertsitateko (Oklahoma, AEB) ikerlariek, ordea, Crotalinae familiako sugeetan fenomenoa uste baino askoz ere arruntagoa dela azaldu berri dute.

Bukatu da epea, eta orain arte Garoñako Zentral Nuklearra kudeatzen zuen Nuclenor enpresak ez du zentralarekin martxan jarraitzeko baimena eskatu. Eta hori ospatzeko zenbait talde ekologistek elkarretaratzea egin zuten igandean.

Azken urteetan asko hazi da industriaren interesa hondakinetatik eratorritako erregaiak erabiltzeko. Ohiko jarduera da hori zementu-fabriketan eta energia-industrian. Etekin handiak ateratzen dituzte enpresa horiek erregaiak erosten gutxiago gastatuz eta, energia sortzeagatik eta CO₂ isurtzeko eskubideak saltzeagatik hobariak eskuratuz. Baina, denok ordaintzen ditugu ekonomian, osasunean eta ingurumenean eragiten dituzten kalteak.  

Frantziako Sophia Agrobiotech Institutuko ikerlari talde batek afidoek edo landare-zorriek fotosintesia garatzeko gaitasuna izan dezaketela adierazi berri dute; hau da, gai direla eguzki-energia berenganatu eta energia hori euren bide metabolikoetan erabiltzeko. Landare-zorriak landareen sapaz edo izerdiaz elikatzen diren intsektu txikiak dira, eta, besteak beste, marigorringoen elikagai nagusia. Duela bi urte afidoak karotenoideak sintetizatzeko gai direla aurkitu zuen talde berberak, hari hortatik jarraitu eta intsektuen artean lehen aldiz fotosintesia gerta daitekeela adierazten duten zantzuak badaudela adierazi dute.

Nafar Gobernuak Bardeetan 120 metrotako 58 haize-errota jartzeko bidea erraztu du egitasmoa Udalaz Gaineko Eragineko Proiektua (PSIS) izendatu baitu. Haize-errotak bardeetako Hegaztientzako Gune Garrantzitsuaren barruan jarriko dira, Eguaras-Peñarroya eta Bardeak Babes Bereziko Eremuen (BBE) baitan.

5 pertsona atxilotu dituzte Tutera eta Zentroniko (Nafarroa) inguruko bi ehiza-barrutitan hegazti harrapariak hiltzeko pozoia erabiltzeagatik. Dagoeneko 120 animalia hilik aurkitu dira, haien artean legez babestuta dauden miruak, sai zuriak, zingira-mirotzak eta sai arreak.

Nafar Gobernuak Olaztiko (Nafarroa) Portland-Valderrivas enpresan hondakinak erraustea Udalaz Gaineko Eragineko Proiektua (PSIS) izendatu berri du. Orain enpresak Ingurumen Baimen Bateratu berria besterik ez du behar.

2007an, karguari zin egin zionean, mankomunitateek erraustegiari buruz erabakitakoa errespetatuko zuela esan zuen Gipuzkoako Diputatu Nagusi ohiak. Orain, emandako hitza ahaztu eta mankomunitateek erabakitakoari aurre egiten dio.

Ministroak transgenikoak biztanleen horniketa osasungarria bermatzeko ezinbestekoak direla esan du, eta ezin dugula laborantza transgenikoak onartu dituen mundu globalizatutik isolatuta jarraitu. Tamalez, ez da horrelakoak esaten dituen lehendabiziko aldia.

Osasunaren Mundu Erakundeak eta Europako Kontseiluak eremu elektromagnetikoen arriskuaz ohartarazi ondoren estatuak ez duela ezer egin salatu zuten atzo kutsadura elektromagnetikoaren kontrako elkarteek.

Erresuma Batuko Ingurumen Agentziak erradioaktibitatea izaki bizidunengan barreiatzen dela berretsi du Sellafieldeko zentral nuklearraren inguruan bizi diren enarak aztertuta. Honakoan, gainera, hedaketa uste zena baino indartsuagoa dela ikusi dute.

Larunbatean, hilaren 23an, Aurzberritik gertu egin nahi duten Mendiaundiko harrobiaren kontrako mendi-ibilaldia antolatu dute Mendiaundi Bizirik eta Zilbeti Bizirik plataformek. Ibilaldia goizeko 9.30tan aterako da Aurizberriko plazatik.

RIVFunction proiektuaren baitan EHUko Landare Biologia eta Ekologia Saileko zenbait ikerlarik orbela errekan zehar zein abiaduratan deskonposatzen den aztertu dute erreka eta ibaien osasun-egoera aztertzeko patroi estandarren bila.