Datorren asteazkenean, azaroak 6, Literatura, Zinema eta Mendiari buruzko IV. Jardunaldietako ekintzen barruan, EuskalNatura proiektuaren nondik-norakoak azalduko ditu Antton Alberdik Gasteizko EHUren Campuseko Letren Fakultatean. EuskalNaturaren sorreraz, jatorriaz eta funtzioaz arituko da Alberdi; natura, zientzia eta dibulgazioa gazteengana hurbiltzeko ahaleginaz eta garrantziaz. Bertaratu nahi duen orok sarrera doakoa izango du, eta beste hitzaldi interesgarri ugariz gozatzeko aukera izango du.

Datorren azaroaren 9an eta 10ean ospatuko da Donostiako Eureka! Zientzia Museoan Natur Zientzien I. Topaketa. Hitzaldiak, mahai-ingurua eta poster-saioa izango dira, besteak beste, eta azken horretarako ekarpenak egiteko epea astebetez luzatu dute antolatzaileek. Orain arte 36 poster aurkeztu dira, askotariko erakunde eta taldeen jarduerei buruzkoak: unibertsitateko ikerketa-taldeak, natur elkarteak, ikerketa- eta kudeaketa-zentroak, eta abar. Antolatzaileak dei egin diete naturaren inguruan lanean dabiltzan gainerako euskaldunei Topaketan parte hartzera animatzeko.

Ministro Kontseiluak abuztuan onartu zuen joan den astean kongresura iritsi zen testua. Bertan talde gehienek lege egitasmoaren kontra azaldu ziren, baina PP alderdiaren botoak nahikoak izan ziren proposamena lege bihurtzeko.

Natur Zientzien I. Topaketa Donostian izango da datorren azaroaren 9an eta 10ean, eta naturaren inguruan lanean dabiltzan pertsonen elkargunea izango da. 19 hitzaldi, mahai-ingurua eta poster-saioa izango dira topaketaren ardatza, eta natura eta zientzia zale euskaldun guztiei irekita dago deialdia. Azken asteotan Topaketaren inguruko hainbat albiste, erreportaje eta elkarrizketa publikatu dira, eta horien laburpena da artikulu hau.

Arantzadi Zientzia Elkarteko eta Bilboko Euskal Museoko ikerlariek aurkitutako fosil batzuen arabera elur-oreina Pleistozenoan Iberiar Penintsularen iparraldean bizi izan zen, Kantauri ekialdean batez ere. Aztarnak Bizkaian (11 aztarnategi), Gipuzkoan (17), Kantabrian (13) eta Gironan (5) aurkitu dituzte.

Londresko Quen Mary unibertsitateko ikerlari talde batek hainbat ugaztunen ekolokalizazioaren oinarri genetikoak aztertu ditu. Zehazki, 22 ugaztunen material genetikoak erkatu dira, saguzarrak eta izurdeak barne, eta entzumenarekin erlazionatutako geneetako 200 sekuentziatan antzekotasunak aurkitu dituzte.

Badira hilabeteak Tuteran (Nafarroan) kastoreak ikusi zirela. Antza denez, bertako zubiaren inguruan 4 ale (bi heldu eta bi kume) bizi dira. Bada, oraingoan argazkiak atera ahal izan dizkiete. Kastorea Nafarroan onartu gabeko espezie bat denez (legez kanpoko askatze batengatik iritsi omen dira) Ingurumen Departamentuak aleak hartu eta hil egiten ditu.

Natur Zientzien I. Topaketa antolatu du UEUko Natur Zientziak sailak datorren azaroaren 9an eta 10ean Donostiako Eureka! Zientzia Museoan. Bi eguneko jardunaldien helburua naturari loturiko gaiak lantzen dituzten Euskal Herriko profesionalak, amateurrak eta naturzaleak elkartzea da, elkar ezagutu ahal izateko eta etorkizuneko harremanak sortzeko. Hitzaldiak, mahai-ingurua eta bestelako ekintzak izango dira, eta ikerketa taldeek, natur taldeek, erakundeek zein norbanakoek posterren bitartez azaldu ahal izango dute euren lanaren berri. Izena emateko epea azaroak 1 arte egongo da irekita, eta posterren laburpenak urriaren 18ra arte bidali ahal izango dira. 

Houstongo Unibertsitateko ikerlari talde batek Japoniatik 1500 metrotara Lurreko sumendirik handiena aurkitu du. Sumendiari Tamu Massif izena jarri diote, 650 kilometrotako zabalera dauka eta 310.00 km² azalera. Halere, ikerlariek are sumendi handiagoak aurkitzea posiblea dela adierazi dute, urazpian Ontong Java lautada handia sumendi bakarra edo sumendi talde bat den argitzeke baitago oraindik.

Ingurumen Batzordearen bileran Fracking izenarekin ezagutzen den lurpetik gasa erauzteko teknika debekatzeko lege egitasmoa onartu dute. Bozkan Bildu, Aralar, NaBai, PSN eta Ezkerrak neurriaren alde egin dute, UPNk abstentziora jo du eta PPk kontra bozkatu du. Orain osoko bilkuran eztabaidatu beharko dute.

Global Footprint Network (GFN) Gobernuz kanpoko erakundearen arabera, urte hasieratik mundu osoan kontsumitutakoak lurrak urte batean produzitu dezakeena gainditu du. Hau da, 8 hilabetetan lurrak 12 hilabetetan modu berriztagarri batean sortu dezakeena kontsumitu dugu, eta aurrerantzean gure aztarna ekologikoa puzten ari gara.

Yesa+No plataformak deituta, Zangotzako eta inguruko herrietako bizilagunak kanpaldi batean elkartu ziren pasa den asteburuan jasaten ari diren desinformazio egoera salatzeko. Era berean, Ebroren Konfederazioaren kontraesanak salatu nahi izan zituzten.

Urtero legez egiten den miru gorriaren neguko zentsoak Nafarroan 1755 ale daudela estimatu du, iaz baino %15 gehiago. Hala ere, azken urteotan beherakada nabarmena jasan du 90. hamarkadan 2164 ale estimatu baitziren, baina badirudi beherakada hori mantsotu edo eten egin dela.

Erakunde ofizialek, alegia, Ebroren Konfederazioak eta Nafar Gobernuak azken egunotan kaleratutako mezu baikorrari aurre eginez pitzadura berriak agertu dira Esako urtegiaren inguruko zenbait lekutan.

4000 lagun inguruk Esako urtegia handitzeari uzteko eskatu zioten Nafar Gobernuari eta Ebroren Konfederazioari larunbatean Zangozan egindako manifestazioan. Duela gutxi Esa herrian agertutako arrakalek eta Casas geologoaren adierazpenek Urtegia "segurtasun-maila bateraino" hustea beharrezkoa dela aldarrikatu zuten.